2 Korintus 9:4 - Tuhan pung Kata-kata

⁴ Te kalo ada orang Makedonia datang sama-sama deng beta, ais bosong balóm siap, na, kotong samua malu. Jang sampe beta pung parcaya sang bosong, sonde ada pung dasar.

2 Korintus 9:4 ပူးပေါင်းရင်းမြစ်များ

2 Korintus 11:17

Yang beta tulis sakarang ko angka-angka diri bagini ni, cuma mau omong gila sa. Te beta pung omong ni, sonde baꞌakar di kotong pung Bos.

2 Korintus 9:2

Te beta su tau bosong ada pung samangat bantu orang bagitu. Beta ju suka kasi tau sang orang parcaya di Makedonia soꞌal bosong pung hati bae. Beta su carita bilang, bosong dari propinsi Akaya su siap dari taon lalu ko mau kirim doi bantuan. Beta ju ada carita soꞌal bosong pung samangat yang bekin orang laen mau iko bantu sang orang susa dong.

2 Korintus 8:24

Jadi bosong musti kasi tunju sayang sang orang dong yang antar itu doi. Deng kasi tunju sang dong ju, kanapa botong suka omong bésar soꞌal bosong. Deng bagitu, orang parcaya dari jamaꞌat di mana-mana tau batúl bilang, bosong ada sayang sang dong.

Roma 15:26

Te kotong pung sodara dong di propinsi Makedonia deng propinsi Akaya, su kasi doi kolekte ko tolong orang kasian yang parcaya sang Kristus di Yerusalem.

1 Korintus 16:2

Tiap hari minggu, samua orang musti simpan dong pung doi sadiki, dari dong pung hasil karjá. Jang tunggu beta datang, baru bosong mulai baꞌurus kumpul doi.

Filemon 1:19

Lia sa! Ini bon, beta tulis pake beta pung tangan sandiri: Beta, Paulus, nanti bayar ganti Onesimus pung utang kasi Filemon. Su cukup, ko? Mangkali beta sonde usa kasi inga lu pung utang kasi beta yang lebe bésar. Andia, lu jadi Tuhan pung orang, tagal beta.