2 Korintus 2:6 - Tuhan pung Kata-kata

⁶ Beta sonde usa omong banya lai. Te banya dari bosong su togor sang dia, ais dia su barenti.

2 Korintus 2:6 ပူးပေါင်းရင်းမြစ်များ

1 Timotius 5:20

Kalo su togor sang dia, ma dia masi idop iko tarús deng itu sala, na, togor sang dia di muka jamaꞌat. Deng bagitu, orang laen dong sonde barani iko-iko bekin sala bagitu.

2 Korintus 7:11

Coba bosong pikir! Waktu bosong baca beta pung surat tu, beta tau bosong ada manyasal ju. Itu iko Tuhan pung mau. Te itu bekin bosong karjá banting tulang ko hapus buang hal jahat dari bosong pung idop. Bosong su cape deng bosong pung jahat. Bosong ju taku, jang sampe bosong nanti bekin jahat ulang lai. Bosong rindu mau lia sang beta, deng siap tarús ko bekin yang bae. Bosong ju siap mau kasi hukum orang yang bekin sala. Tagal bosong bekin yang batúl bagitu, andia ko bosong barisi. Deng bagitu, sonde ada yang bisa lempar sala sang bosong.

2 Korintus 13:10

Andia ko, biar beta ada jao-jao dari bosong, beta tulis ini hal dong sakarang, ko biar nanti beta pi sana, na, beta sonde usa omong karás sang bosong lai. Beta jadi kotong pung Bos pung utusan. Ma Dia kasi beta hak deng kuasa ko kasi kuat sang bosong, bukan kasi ancor sang bosong.