1 Yohanis 5:3 - Tuhan pung Kata-kata

³ Jadi kalo kotong sayang sang Dia, kotong bekin iko Dia pung parenta dong. Deng Dia pung parenta, sonde barát.

1 Yohanis 5:3 ပူးပေါင်းရင်းမြစ်များ

Mateos 23:4

Dong paksa orang ko pikol iko dong pung atoran agama yang barát. Ma dong sandiri sonde mau tolong orang dong ko iko itu atoran.

Yohanis 14:15

Yesus omong tamba bilang, “Kalo bosong sayang sang Beta, na, bosong bekin iko Beta pung parenta dong.

Yohanis 15:10

Kalo bosong bekin iko Beta pung parenta dong, na, bosong taꞌika tarús deng Beta, ju Beta bisa kasi tunju Beta pung sayang sang bosong. Itu sama ke Beta bekin iko Beta pung Bapa pung parenta, ais Dia kasi tunju Dia pung sayang sang Beta tarús.

Yohanis 15:14

Kalo bosong bekin iko Beta pung parenta tarús, bosong jadi Beta pung tamán dong.

Roma 7:12

Jadi, kalo tadi orang bilang, “Atoran yang Tuhan kasi sang Musa tu, sala,” na, beta manyao bilang, “Sonde! Tuhan pung Atoran tu, barisi!” Deng samua parenta dalam itu Atoran tu, barisi, batúl, deng bae.

Roma 7:22

Padahal beta pung dalam hati paling sanáng, kalo beta ada pikir soꞌal Tuhan pung Atoran.

Ibrani 8:10

Itu janji yang Beta nanti ika deng bangsa Israꞌel, dia pung isi bagini: Nanti Beta taro Beta pung atoran di dong pung dalam pikiran. Nanti Beta tulis Beta pung parenta di dong pung dalam hati. Ais Beta jadi dong pung Tuhan, deng dong jadi Beta pung orang.

1 Yohanis 2:3

Kotong tau bilang, kotong kanál bae deng Tuhan Allah, kalo kotong iko Dia pung parenta dong.

2 Yohanis 1:6

Kotong bisa kasi tunju kotong pung sayang, kalo kotong bekin iko Tuhan Allah pung parenta dong. Dari dolu, Dia su parenta sang kotong ko idop basayang satu deng satu. Ini bukan hal baru, te bosong su dengar ini parenta dari dolu.