1 Timotius 6:16 - Tuhan pung Kata-kata

¹⁶ Cuma Dia sandiri yang sonde kanál mati. Dia idop dalam taráng yang manusia sonde bisa tahan lia. Sonde ada satu orang yang bisa dapa lia sang Dia. Samua hormat kasi sang Dia! Samua kuasa ada di Dia pung tangan sampe salamanya! Bagitu sa! Amin!

1 Timotius 6:16 ပူးပေါင်းရင်းမြစ်များ

1 Timotius 1:17

Puji Tuhan! Cuma Dia sa, Allah; sonde ada yang laen lai! Raja yang parenta tar abis-abis. Dia yang idop tarús-tarús. Dia yang sonde kanál mati. Dia yang orang sonde bisa lia deng mata kapala. Samua hormat deng puji kasi sang Dia, sampe salamanya! Amin.

Yohanis 1:18

Sonde parná ada satu orang ju yang lia batúl-batúl sang Tuhan Allah. Ma Dia pung Ana satu biji yang Dia sayang tu, yang su kasi tunju sang kotong Tuhan Allah pung hati. Itu Ana tu, ada di Dia pung Bapa pung sablá. Te Dia ju, andia Tuhan Allah.

1 Yohanis 1:5

Ajaran yang Yesus kasi tau sang botong, yang sakarang botong mau kasi tau sang bosong, andia bagini: Tuhan Allah tu, bae talalu. Dia sonde ada pung jahat sadiki ju. Te Dia sama ke taráng yang bacaya, yang sonde ada pung galáp sadiki ju.

Kolose 1:15

Kristus tu, satu model deng Tuhan Allah, yang manusia sonde bisa dapa lia. Dia su ada lebe dolu dari samua, deng Dia jadi Bos dari samua yang Tuhan Allah su bekin.

Yohanis 6:46

Beta ni, yang turun datang dari Tuhan Allah. Jadi cuma Beta sa yang parná lia sang Dia. Sonde ada satu orang laen ju yang parná lia langsung sang Bapa di sorga.

Dunya Model Baru 22:5

Di situ, sonde ada malam. Jadi Tuhan pung orang dong su sonde parlú matahari ko, lampu ko, tagal Tuhan Allah sandiri yang bekin taráng itu kota. Nanti dong iko pegang parenta di situ sampe salamanya.

Dunya Model Baru 4:11

“Oo, Tuhan Allah! Botong puji-puji sang Tuhan! Botong angka tinggi-tinggi Tuhan pung nama. Tuhan ni, yang hak parenta sang botong. Tuhan ni, botong pung Allah! Tuhan yang pantas tarima botong pung puji. Tuhan yang memang musti tarima botong pung hormat. Tagal Tuhan yang paling kuasa. Deng Tuhan yang paling hebat. Tuhan yang bekin samua. Tuhan yang kasi idop samua. Samua yang ada, su jadi tagal Tuhan yang bekin. Samua yang idop, su ada napas tagal Tuhan yang kasi.”

Dunya Model Baru 1:6

Ais Dia angka sang kotong jadi Dia pung rakyat, ko biar kotong karjá kasi Dia pung Bapa, Tuhan Allah. Yesus Kristus memang hebat, deng Dia pung kuasa sonde abis-abis. Itu batúl!

Yudas 1:25

Cuma Tuhan Allah sandiri sa, yang jadi Tuhan yang batúl, Cuma Dia yang bisa kasi salamat sang kotong! Ais Dia pake kotong pung Bos Yesus Kristus, ko kasi salamat sang kotong bagitu. Jadi samua hormat kasi sang Dia. Samua hebat, Dia pung. Dia pung kuasa, talalu bésar. Deng Dia pung hak parenta, ada dari dolu, deng sakarang, sampe tar abis-abis. Batúl! Andia tu! Dari beta, Yudas

Efesus 3:21

Tagal itu, mari ko kotong yang taꞌika deng Yesus Kristus, angka tinggi-tinggi sang Dia! Puji-puji tarús sang Dia, dari sakarang sampe salamanya. Batúl bagitu!

Dunya Model Baru 7:12

deng manyanyi bilang, “Batúl! Batúl tu! Botong ju puji-puji sang Tuhan Allah! Botong ju angka tinggi-tinggi Tuhan pung nama! Tuhan pung akal tu, jitu talalu. Tuhan pung kuasa tu, bésar talalu. Tuhan pung kuat tu, hebat talalu. Botong minta tarima kasi sang Tuhan tarús-tarús. Botong kasi hormat sang Tuhan sonde putus-putus. Batúl! Andia tu!”

Ibrani 13:8

Yesus Kristus tu, sonde parná baroba. Dari mula-mula, sampe sakarang, deng sampe salamanya, Dia tatáp sama.

Dunya Model Baru 21:3

Ais beta dengar satu suara karás datang dari itu korsi parenta, ko bilang, “Lia bae-bae! Mulai sakarang, Tuhan Allah pung Ruma ada di manusia pung teng-tenga. Mulai ini hari, Tuhan su idop sama-sama deng Dia pung orang dong. Te Dia su jadi dong pung Tuhan Allah. Deng dong su jadi Dia pung ana-ana dong. Nanti Dia ada tarús-tarús deng dong. Deng Dia sama-sama deng dong tar abis-abis.

Yohanis 14:9

Ju Yesus kasi tau sang dia bilang, “Ipu, é. Beta su sama-sama deng bosong bagini lama, ma bosong masi sonde kanál batúl sang Beta, ko? Te orang yang su lia sang Beta, itu sama ke dia ju su lia sang Beta pung Bapa. Ais, akurang ko tadi lu ada minta bilang, ‘Kasi tunju Bapa sang botong’ lai?

Dunya Model Baru 1:8

Tuhan Allah bilang, “Beta ni, Alfa sampe Omega. Beta ni, A sampe Z. Samua asal dari Beta, mulai dari partama sampe abis. Beta yang su ada memang dari dolu. Beta yang ada sakarang. Deng Beta yang nanti ada tarús sampe salamanya. Te Beta sandiri sa yang paling kuasa!”

Yohanis 8:58

Ju Yesus manyao bilang, “Batúl! Te baꞌi Abraham balóm ada, ma Beta su ada lebe dolo.”

Filipi 4:20

Jadi biar ko kotong angka tinggi tarús-tarús Allah Bapa pung nama, sampe salamanya. Te itu yang batúl!

Yakobis 1:17

Hal jahat dong sonde kaluar dari Tuhan. Ma Dia kasi datang samua berkat yang bae deng samua hal yang barisi. Dia yang bekin matahari, bulan, deng bintang dong. Dong samua bapinda-pinda di langit, deng itu bekin dong pung bayang-bayang baꞌoba tarús. Cuma Tuhan Allah sa yang sonde tau baꞌoba.

1 Yohanis 1:7

Ma kalo kotong idop iko jalan yang batúl, kotong sama ke orang yang idop dalam Tuhan Allah pung taráng. Deng bagitu, kotong bisa idop satu hati, satu deng satu. Deng kotong pung hati jadi barisi, tagal Tuhan Allah pung Ana Yesus mati, deng Dia pung dara su hapus buang kotong pung sala dong samua.

1 Yohanis 4:12

Sonde ada satu orang ju yang parná lia taráng-taráng sang Tuhan Allah. Biar bagitu ju, ma kalo kotong basayang satu deng satu, dia pung arti bilang, Tuhan Allah ada sama-sama deng kotong. Deng Dia pung sayang batamba di kotong pung idop, sampe jadi sayang yang batúl.