1 Timotius 3:14 - Tuhan pung Kata-kata

^14-15 Tius! Beta harap sonde lama lai, beta su bisa datang lia sang lu. Andekata beta ada halangan, ko, datang talát, na, ini surat su sampe lebe dolo di lu pung tangan. Beta tulis ini surat ko mau kasi tau sang lu bilang, Tuhan pung kelu dong musti idop karmana. Jang lupa bilang, Tuhan tu, Allah yang idop. Dia pung orang dong sama ke ruma yang ada pung dasar deng tiang induk yang kuat. Deng bagitu, dong musti topang Tuhan Allah pung ajaran yang batúl.

1 Timotius 3:14 ပူးပေါင်းရင်းမြစ်များ

Filemon 1:22

Ada satu hal lai. Tolong sadia kasi sang beta kamar satu doo. Te beta parcaya Tuhan ada dengar bosong pung sambayang, deng nanti Dia buka jalan kasi kaluar sang beta dari ini bui, ko datang kambali lia sang bosong lai di situ.

1 Korintus 11:34

Kalo ada yang lapar talalu, na, lebe bae makan alas di ruma dolo. Ais nanti, kalo bosong bakumpul sama-sama, na, bosong jang kaná hukum. Soꞌal parkara yang laen dong yang bosong ada tanya tu, nanti beta pi sana dolo, baru beta ator.

3 Yohanis 1:14

Te beta harap sonde lama lai kotong bakatumu, ko kotong dua bisa baꞌomong langsung sa.

2 Yohanis 1:12

Masi ada banya hal yang beta kapingin kasi tau sang bosong, ma lebe bae beta sonde usa tulis lewat surat. Te sonde lama lai, beta mau datang baꞌomong memang deng bosong, ko kotong batúl-batúl bisa sanáng sama-sama.

Ibrani 13:23

Ada kabar yang beta mau ko bosong samua tau. Andia: kotong pung sodara Timotius su kaluar dari bui. Kalo dia datang capát di beta, nanti botong dua sama-sama pi bosong.

1 Timotius 4:13

Waktu bosong ada tunggu beta pung datang, na, jang lupa ko baca Tuhan pung Kata-kata kasi orang parcaya dong. Kasi kuat sang dong, deng ajar bae-bae sang dong.

1 Tesalonika 2:18

Beta sandiri su coba ulang kali mau datang lia sang bosong, ma setan dong pung bos maen pele beta pung jalan tarús.

1 Timotius 3:13

Dong yang ada layani jamaꞌat deng bae, pasti orang tamba hormat sang dong. Deng dong tamba barani, sonde taku omong soꞌal dong pung parcaya sang Yesus Kristus.