1 Petrus 5:13 - Tuhan pung Kata-kata

¹³ Orang parcaya yang bakumpul di kota Babel dong ju ada titip salam kasi sang bosong. Tuhan Allah su pili ame sang dong, sama ke Dia pili ame sang bosong. Beta pung ana Markus ju ada titip salam.

1 Petrus 5:13 ပူးပေါင်းရင်းမြစ်များ

Utusan dong pung Carita 12:12

Ais bagitu, ju Petrus pi di mama Maria pung ruma. Dia tu, andia Yohanis pung mama. Yohanis tu, pung nama laen, Markus. Di situ, banya orang ada bakumpul sambayang, minta ko Tuhan tolong Petrus deng dia pung parkara.

Utusan dong pung Carita 12:25

Waktu Barnabas deng Saulus antar abis orang Antiokia dong pung bantuan pi Yerusalem tu, ju dong pulang kambali pi Antiokia. Dong ada bawa satu orang muda sama-sama deng dong. Dia pung nama Yohanis. Ma dong ju pange sang dia bilang, Markus.

Dunya Model Baru 18:2

Dia pake suara bésar ko kasi tau bilang, “Su rubu! Su rubu! Kota Babel su rubu! Su jato! Su jato! Itu kota hebat tu, su jato! Dia su jadi setan dong pung tampa tenga. Dia su jadi samua roh jahat dong pung tana asal. Dia su jadi samua burung tukang makan bangke pung tampa bakumpul. Dia su jadi samua binatang tar bae pung kandang.

Dunya Model Baru 17:5

Di dia pung testa ada tatulis satu nama, yang dia pung arti masi rahasia. Itu tulisan bilang bagini: Beta ni, Babel! Andia, kota yang paling hebat! Samua macam jahat di dunya, asal dari beta. Samua yang maen serong di bumi, baꞌakar di beta.

2 Yohanis 1:13

Tuhan Allah ju ada pili sang mama pung susi. Dia pung ana-ana dong ada titip salam manis kasi mama dong di sana. Bagitu sa. Salam dari beta, Yohanis

Utusan dong pung Carita 15:37

Dengar Paulus minta bagitu, ju Barnabas ia bae sa. Naa, Barnabas mau bawa sang Yohanis ko iko deng dong. (Dong ju pange sang Yohanis ni bilang, Markus).

Utusan dong pung Carita 15:39

Paulus deng Barnabas bakanjar hebat bagitu, sampe dong dua bapisa jalan. Ju Barnabas bawa ame sang Markus, ko dong dua nae kapal pi balayar sampe di pulo Siprus.

Kolose 4:10

Aristarkus ada titip salam kasi bosong. Dong ada tahan sang dia di bui, sama-sama deng beta. Barnabas pung sapupu, nama Markus, ju ada titip salam. Dolu beta su pasán memang sang bosong bilang, kalo Markus datang lia sang bosong, na, tarima bae-bae sang dia.

Filemon 1:24

Markus, Aristarkus, Demas, deng Lukas ju ada di sini. Dong satu karjá deng beta. Dong ada kirim salam ju.

2 Yohanis 1:1

Mama boꞌi! Ini surat dari beta, Yohanis, yang jadi pamimpin gareja. Beta tulis ini surat kasi mama, yang Tuhan Allah su pili jadi Dia pung orang, deng kasi mama pung ana-ana dong. Beta sayang sang bosong samua yang pung hati taꞌika deng hal-hal yang batúl. Samua orang laen yang tau hal-hal yang batúl, sayang sang bosong ju.