Zakariya 7:7 - BIBLIYA NTAGATIFU OMU MASHI

⁷ Ka murhamanyiri ebinwa Nyakasane ayalizagya omu kanwa k’abalêbi ba mîra, amango abantu b’e Yeruzalemu n’ab’omu bishagala by’eburhambi erhi balamire omu murhûla, n’ago mango erhi Negêbu n’ecibandâna biyûbasirwemwo n’abantu.

Zakariya 7:7 ပူးပေါင်းရင်းမြစ်များ

Izaya 55:3

Murhege okurhwiri munayishe emunda ndi; muyumvîrhize lyo mubona akalamo! Nafundika endagâno y’ensiku n’amango haguma ninyu, yo mihigo erhakahingûlwa nalaganyagya Daudi.

Yeremiya 13:19

Ebishagala by’e Nêgebu bigosirwe birhâjibwamwo. Yûda yêshi bamuhêsire mpira yêshi yêshi.

Yeremiya 17:26

“Bakazirhenga omu bishagala by’emwa Yûda n’entambi z’e Yeruzalemu, entambi z’emwa Benyamini n’ebwa cihugo ciri embanda, n’eciri oku ntondo n’oku Nêgebu, bakayîsha badwîrhe embâgwa, enterekêro, entûlo n’enshangi mpu barhûle enterekêro y’okuvuga omunkwa omu ka-Nyamuzinda”.

Yeremiya 22:21

Amango wali ohimbire nakushambâza, waderha erhi: «Ntakakuyumva!» Kwo wanayôrheraga kurhenga eburhò bwâwe, okwo kurhayumva izù lyâni.

Yeremiya 32:44

“Bâshubikazihimûla amashwa, bâkazikomêreza ebyemêzo by’okugula, bâhirekwo n’akashè, balonze n’ababihirakwo ecunkumwe omu cishagala ca Benyamini n’omu bindi bishagala binayêgîre Yeruzalemu, n’omu bishagala bya Yûda na muli birhondo bya Nêgebu. Bulya Nyakasane adesire erhi, nkola nashubigalula balyâla bene Israheli balibamajirwa bajà”».

Yeremiya 33:13

Ashubiderha erhi: omu bishagala by’omu ntondo, n’omu bihugo by’olunda lw’idako, n’e Nêgebu kuhika emwa bene Benyamini, n’eburhambi bwa Yeruzalemu n’omu bishagala bya Yûda, ebibuzi bikola byâshubira omu masô g’ababiyabwîre.

Yeremiya 44:4

Buzira kurhama, namurhumire bambali bâni n’abalêbi, nabarhuma nti baderhe, mpu: Murhajiraga ebyo bikabulirwa, ntabikwîrirwa.

Yeremiya 7:23

Cikwône irhegeko nali mbahire eyo eri: Nti mukaziyumva izù lyâni, lyo mbà Nyamuzinda winyu ninyu mubè lubaga lwâni. Mukulikire enjira mmurhegesire yoshi lyo mucira.

Yeremiya 7:5

Cikwône, mukayinjihya enjira n’emikolo yinyu; erhi mwakanashîbirira obushinganyanya ngasi muguma n’owâbo,

Zakariya 7:12

Bàjira omurhima gwâbo muzibuzibu nka nshangabuye; barhàlonzagya okuyankirira e­ nyigîrizo za Nyakasane w’Emirhwe, ezi Omûka gwâge gwakâg’ibabwîriza omu nderho z’abalêbi ba mîra. Lêro oburhè bunene bwa Nyakasane bwabirînduka, anaciderha, erhi:

Zakariya 7:6

N’amango mudwîrhe mwalya munadwîrhe mwanywa, kubà kucisimîsa kwinyu kurhuma mwajira ntyo!»

Zakariya 7:8

Akanwa ka Nyakasane w’Emirhwe kanacirhindakwo Zakariya.

Lushika 34:3

amulangûla Nêgebu n’akabanda ka Yeriko koshi, amulangûla olugo lwa emibo kuhika aha Sowari.