Zakariya 5:8 - BIBLIYA NTAGATIFU OMU MASHI

⁸ Malahika ambwîra, erhi: «Buhanya obwo.» Okubundi ashub’imusunika mulya cirhimbiri anacihirakwo omurhemere.

Zakariya 5:8 ပူးပေါင်းရင်းမြစ်များ

Murhondêro 15:16

Oku iburha lya kani go mango banashubire eno, bulya obubî bw’abanya-Amoriti burhacihika oku muhiro».

Ennanga 38:4

Ntà bwinjà amagala gâni gacirikwo nanakugayisize, ntà kuzibuha orhuvuha rhwâni rhwacizibuha nanagomire.

Migani 5:22

Omumînya anagwarhwe omu mirhego y’amabî gâge, anashwêkerwe n’omu migozi y’ecâha câge yênene.

Ndûlù 1:14

Amabî najizire arhagarhenzakwo isù, gayosire nka kuno agonya ecifundo omu kuboko kwâge, gasosire gahika omu igosi lyâni. Nyakasane afu­nyâzize emisî yâni ampâna omu maboko g’abashombanyi, balya ntà­ nkahasha.

Hozeya 12:7

Wêhe, galuka emwa Nyamuzinda wâwe, langa obuzigire n’obushinga­ nyanya, onalangâlire Nyamuzinda wâwe ensiku zoshi.

Amosi 8:5

Mwe mudwîrhe mwaderha, mpu: «Lêro mangaci omwêzi gubalusire gwazika, lyo rhuguza engano yîrhu, n’oku lwa-Sabato, rhuyukîrize engano yîrhu? Rhwanyihya olugero, rhuyûshûle engulo, omunzâni rhwagujira kundi kundi, rhubarhebe.

Mikeyo 6:11

Ka nanalola nka mushinganyanya omuntu okolêsa eminzâni y’okulenganya; n’abahêka emilengo erhashingânîni omu nshoho zâbo?

Zakariya 5:7

Ago mango, omurhemere gw’amarhale gwàli kw’eco cirhimbiri gwafûnuka, nabona omukazi aciburhamîremwo.

Mateyo 23:32

Ninyu muyunjuzagye olugero lwa basho!

1 Batesalonika 2:16

Banakarhuhanza okuyigîriza abapagani mpu lyo barhacunguka; na ntyo barhahusa okuyûshûla olugero lw’ebyâha byâbo. Ci lêro obukunizi bwa Nyamuzinda mîra bwabarhindagakwo.