Zakariya 4:2 - BIBLIYA NTAGATIFU OMU MASHI

² Andôsa, erhi: «Bici obwîne?» Nashuza, nti: «Mbwîne akamole k’amasholo gône gône, galikwo omuloko gw’okujâmwo amavurha olunda lw’enyanya. Kagwêrhe rhumole nda na miloko nda y’okujâmwo mavurha g’okukolêza ngasi kaguma.

Zakariya 4:2 ပူးပေါင်းရင်းမြစ်များ

1 Nganîro 28:15

Amulangûla ebidanga byàli birheganyîbwe oku kushîga orhumole rhw’amasholo, n’amatara gârhwo, agôla masholo gàli gamàshanwa bunya-bidanga gàli garheganyizîbwe ngasi kamole na ngasi itara kwabyo kwabyo. Ebidanga by’olunyerere nabyo kwo byàli birheganyîbwe ntyo, kuli ngasi kamole na ngasi itara.

2 Nganîro 13:11

“Ngasi sêzi na ngasi bijingo, banatumbûkize enterekêro z’ensirîra emunda Nyamubâho ali kuguma n’omugî gwa akisûnunu kinjà; banahîre emigati y’enterekêro oku mêza garhali kwo izâbyo, na ngasi bijingo banayâse akamole k’amasholo n’amatara gako; bulya rhunashimbe amarhegeko ga Nyamubâho, Nyamuzinda wîrhu, ci moyo mwamujandisire”.

2 Nganîro 4:7

Ajira rhumole ikumi rhwa masholo, nk’oku byanali birhegesirwe kuli rhwo, anarhuhira omu ka-Nyamuzinda, rhurhanu arhuhira ekulyo na rhurhanu arhuhira ebwa kumosho.

Muhanûzi 12:6

embere ehigozi hy’amarhale hitwîke, embere itara ly’izahabu libereke, embere akabindi kaberekere aha iriba, embere omugozi gw’adôma gutwîkire omu iriba;

Yeremiya 24:3

Nyakasane ànambwîra erhi: «Bici obwîne Yeremiyahu?» Na­ ni nti «mulehe gwa muzêti. Aminjà gali minjà-minjà, amabî gabozire bwenêne garhankacirîbwa»,

Yeremiya 52:19

Omurhambo w’engabo ashubirhôla n’ebirugu byoshi by’amasholo n’e­by’amarhale: ensahani, amabakuli, orhubêhè rhw’amîshi g’okukangûla, embêhe z’okugukiza oluvù, ebinâra, n’orhuzinzi.

Amosi 7:8

Nyakasane àndôsa, erhi: «Bici obwîne, wâni Amosi?» Nâni nti: «Lugero.» Nyakasane ambwîra, erhi: «Nkola nâgera olubaga lwâni lw’Israheli, lêro ntâcilubabalire.

Zakariya 5:2

Malahika andôsa, erhi: «Bici obwîne?» Nashuza, nti: «Mbwîne ecitabu cibalire emalunga: cigwêrhe buli bwa makoro ikumi na bugali bwa makoro arhanu.»

Mafulûlo 1:12

Nanacihindamuka nti ndole eryôla izù lyakazâg’inderhesa. Erhi mbà namâhindamuka, nabona binâra nda bya masholo,

Mafulûlo 1:20

Ihwe ly’enyenyêzi nda wabonaga omu kuboko kwâni kulyo n’ebinâra nda ly’eri: enyenyêzi nda bo bamalahika b’Ekleziya oku ziri nda, n’ebinâra nda zo Ekleziya nda.

Mafulûlo 4:5

Ebwa ntebe yakazâg’irhenga orhumêmè, n’amazù, n’emilazô; erhi na rhumole nda rhudwîrhe rhwagulumira embere z’e­ntebe: yo erigi erya Myûka nda ya Nyamuzinda eyo.