Zakariya 3:6 - BIBLIYA NTAGATIFU OMU MASHI

⁶ Cazînda malahika abwîra Yozwè ebi binwa, erhi:

Zakariya 3:6 ပူးပေါင်းရင်းမြစ်များ

Izaya 63:9

Omu malibuko gâbo goshi, arhali ntumwa nîsi erhi malahika, ci yêne wayishir’ibacungula. Omu buzigire n’omu lukogo lwâge, yêne wabayôkwîre; àbabarhula, àbahêka yêne omu nsiku za mîra zoshi zoshi.

Yeremiya 11:7

“Bulyâla narhonzire basho erhi mbakûla e Mîsiri, na kuhika buno nadesire buzira kurhama nti: muyumve izù lyâni.”.

Hozeya 12:4

Kurhenga omu nda ya nnina asigula mukulu wâge, erhi àbà musole, àlwîsa Nyamuzinda.

Zakariya 3:1

Nyakasane anacinyêreka omudâhwa mukulu Yozwè, erhi ayîmanzire e­mbêre za malahika wa Nyakasane. Shetani naye erhi ayîmanzire ekulyo kwa Yozwè mpu amushobeke.

Zakariya 3:5

Abâna n’irhegeko ly’okuhira ishungwè licîre bwinjà oku irhwe lya Yozwè. Banacimuhirakwo ishungwè obwo n’emyambalo minjà ecîre, erhi na malahika adwîrhe asinza.

Zakariya 3:7

«Yumvagya eciragâne ca Nyakasane w’Emirhwe: Okâyumva amarhegeko gâni, okakulikira bwinjà amahano gâni, wâshuba mukulu w’omu nyumpa yâni n’ow’ebyôgo byâyo, nnankuhè ecikono ciyumânîne n’ec’abakâyimanga muno».