Zakariya 14:12 - BIBLIYA NTAGATIFU OMU MASHI

¹² Lolagi ebibande Nyakasane âyish’ihebakwo balya balwîsagya Yeruzalemu: Omubiri gwâbo gwâyish’ihonyôka erhi banayimanzire; amasù gâbo gâyish’ibolera omu byanga, olulimi lubabolere omu kanwa.

Zakariya 14:12 ပူးပေါင်းရင်းမြစ်များ

2 Nganîro 21:15

Nâwe wêne walibuka n’endwâla ndârhi, ndwâla y’omu nda, kuhika amalà gâwe garhenge omu nda yâwe erhi eyôla ndwâla erhuma, n’okwôla kwakubêra nsiku zirhali nyi.»

Ayubu 18:13

Oluhù lw’ebirûmbu byâge loshi lwalîbirwe, ebirûmbu byâge byamalîbwa n’enfula y’olufù.

Ennanga 90:11

Ndi wakagera obuhashe bw’omutula gwâwe, nîsi erhi agere obwôba bukwânîne oburhè bwâwe?

Ben Levi 26:16

alagi oku nammujira nâni: nammuhiramwo ecôbà, mwafà n’ishushira, lyo libongereza amasù n’okuborobonja amagala. Mwakaz’irhwêra kubè kurhamira busha, bulya abashombanyi binyu bammulyabyo.

Ben Levi 26:18

Erhi ankabà enyuma zâbo murhacinyumvirhi, nanammuhana kali nda kalushile okwo erhi byâha binyu birhumire.

Ben Levi 26:21

Erhi mwankacîhamba mpu mwacînyishingika, mpu murhalonza kuyumva, nanammuhimbaguliza kali nda kulusha oku ebyâha binyu binali.

Ben Levi 26:24

buzinda nâni nanammugolonjoka, mmushûrhe kali nda kalushire erhi ebyôla byâha binyu birhuma.

Ben Levi 26:28

oburhè bwâni bwanammuyâkira lêro bwenêne kulusha, nnangal’imuhana kali nda kalushire erhi ebyôla byâha binyu birhumire.

Zakariya 1:15

“cikwône oburhè bunene bungwêrhe erhi mashanja g’obucîbone garhuma. Bulya amango oburhè bwâni bwaciri busungunu kuli Israheli, gohe gashangîra oku kumusherêza”.

Zakariya 12:9

Mw’ago mango nârhangira okuvungunyula ngasi mashanja gâyishe mpu galirhêra Yeruzalemu.

Zakariya 14:15

Ntyo kwo n’ebiterusi, ebihêsi, endogomi n’ebirhungwa byâbo byoshi byâyish’ibêra mw’eci cishagala byarhinwakwo n’ecahira.

Zakariya 14:18

Akabà bene Mîsiri barharheremiri e Yeruzalemu, bajakw’obuhanya Nyakasane ahebakwo galya gandi mashanja galahire okurheremera yo mpu gagend’ijira olusiku lw’Ebihando.

Zakariya 14:3

Okubundi Nyakasane arhêre ago mashanja, anagalwise nk’oku anayôrhaga ajira amango g’ebîrha.

Zakariya 2:4

Nanacidôsa, nti: «Bici bal’ijira?» Anshuza, erhi: «Ago mahembe go galya gàshandâzagya ecihugo ca Yûda kuhika ntà muntu ciru n’omuguma wacifukunyize; cikwône abo batuzi bayishîre okugajugumya, okugaherêrekeza.»

Ebijiro 12:23

Ho n’aho, Malahika wa Nyakasane amunêsha, bulya arhàli ahîre Nyamuzinda irenge lyâge. Alundwa n’emivunyu, arhengamwo omûka.

Lushika 28:21

Nyamubâho akushwêkerako ecihûsi cikuherêrekeze muli eci cihugo okola wajà mpu ociyanke cibè câwe.

Lushika 28:22

Nyamubâho akujira ofè wayuma, ofè n’amashushira, n’emibuha n’akalurha k’omu nda, ecûmwè n’enzirondo n’oluhiga, ebyo byoshi bikushimbulule bikulagirize.

Lushika 28:59

Nyamubâho akulikirakwo aga mahanya garhankaderhwa, woyo n’iburha lyâwe; mahanya manênene garhanayûrha, ndwâla ndârhi, zirya zirhafuma duba.

Mafulûlo 17:16

N’amahembe ikumi wabonaga na cirya ciryanyi, bikolaga byashomba nyamukazi namuhushà, bimutungole, bimusige mushugunu, birye enyama zâge binamuyôkere oku cîko.