Zakariya 13:1 - BIBLIYA NTAGATIFU OMU MASHI

¹ Mw’ago mango, enshôko yâyish’ihulula eshuke ebyâha n’amabî g’ab’o­bûko bwa Daudi n’obw’abantu b’e Yeruzalemu.

Zakariya 13:1 ပူးပေါင်းရင်းမြစ်များ

Ennanga 51:2

Amango omulêbi Natani àjaga emunda Daudi ali kulya kubà anacîhemwîre kuli Betiseba.

Ennanga 51:7

Okengêre oku naburhagwa omu bubî, omu câha nayâlalagwa omu nda ya nyâmà.

Izaya 12:3

Mwanadôme amîshi n’omwîshingo aha maliba g’obucire.

Izaya 4:4

Mango Nyakasane âbà amarhenza izinga ly’abâna-nyere b’e Siyoni n’okushuka omukò gwabulagîrwe omu Yeruzalemu n’omûka g’obucîranuzi bwâge n’omûka gw’engulumira y’omuliro gwâge,

Yeremiya 17:13

Nyakasane mwîkubagirwa w’Israheli, abakutwîka boshi enshonyi zababumba, abakurhengaho bayandikwa omu idaho bulyâla balesire enshôko y’amîshi gahulula, Nyakasane.

Yeremiya 2:13

Bulyâla olubaga lwâni kubirhi lwashûbûsire: bandeka, nie n’iriba ly’amîshi gahulula, bagendihumba yâbo yâbo migomero, eryâla erimwo obubere, eryâla erharhanga mîshi.

Yeremiya 29:26

“Mpu Nyamubâho akuyimanzize mpu obè mudâhwa ahâli h’omudâhwa Yehoyada, mpu olange omurhûla omu ka-Nyamuzinda, olole ngasi musirhe wakaderha mpu acîhira omu by’obulêbi; onamuhire omu mugozi n’omu mpamikwa”.

Yeremiya 33:8

Nâbacêsa nambababalire ebyâha byâbo byàli bingayisize, byàrhumaga barhakulikira amarhegeko gâni.

Ezekiyeli 36:17

Ewani mwene omuntu, amango omulala gwa bene Israheli gwaliguciyûbasire omu cihugo câbo, gwacihemula n’olugendo n’ebijiro byâbo bibî, olugendu lwâbo lwàli lunshologosire nk’obugalugalu bw’omukazi oli omu cirhambo.

Ezekiyeli 36:25

Nâkukangûla n’amîshi minjà, ntyo wânabà mwinjà; nâkurhenza kwo ngasi izinga ly’amabî gâwe n’erya abazimu bâwe boshi.

Ezekiyeli 36:29

Namurhenzakwo amabî ginyu goshi, nâmulerhera engano nanjire eluge bwenêne, ntyo ntakacimurhumira ishali.

Ezekiyeli 47:1

Anacimpêka ebwa muhango gw’aka-Nyamuzinda. Nalola oku amîshi gakaz’igirhenga omu c’olusò lw’aka-Nyamuzinda, olunda lw’ebuzûka- zûba, bulya aka-Nyamuzinda kàli kayêrekîre ebwa buzûka-zûba. Amîshi gakazâg’ihulula idako olunda lw’ekulyo kw’aka-Nyamuzinda, olunda lw’emwênè lw’oluhêrero.

Ben Levi 11:36

Ci amaliba, ecirhûla c’amîshi, enyanja zoshi, byôhe byanayôrha bicîre; ci owahuma oku murhumba gwa nyandazi nguma mulizo, anazira.

Mikeyo 5:12

Nârhenza ensalamu zâwe z’okubinjwa, ntenze n’emitungo yâwe, lêro orhakacigashâniza omukolo gw’amaboko gâwe.

Zakariya 12:14

Kwo n’okwo eyindi milala yoshi yâyish’ikâlakira ngasi baguma hâbo na bakâbo lwâbo lunda.

Zakariya 12:3

«Mw’ago mango, Yeruzalemu nâmuhindula nk’ibuye, amashanja goshi gakaz’ilonza okulilengeza. Ngasi bagereze bayagalike. Okubundi amashanja g’igulu goshi gacilunge haguma gamurhêre.»

Yowane 1:29

Erhi kuca, Yowane abona Yezu amujayo, aderha, erhi: «Oyu ye Mwâna-buzi wa Nnâmahanga okûla ecâha c’igulu.

Yowane 5:4

Bulya liguma liguma malahika wa Nyakasane akâg’iyandagalira omu maziba n’okushabaganya amîshi. N’erhi amîshi gabaga gabirunduka, owarhangag’ikajamwo ye wanakag’ifuma endwâla yâge.

1 Bakorinti 6:11

Okwôla baguma muli mwe bakuli. Ci mwacîshusire, mwacêsîbwe, mwajizirwe bêru-­kwêru oku izîno lya Nyakasane Yezu Kristu n’omu Mûka gwa Nyamuzinda wîrhu.

1 Petro 1:19

ci n’omukò gw’ecitwîro cidârhi gwa Kristu, ye Mwâna-buzi mwêru-kwêru orhalikwo izâbyo.

1 Yowane 1:7

Ci erhi rhwankalambagira omu bulangashane nk’oku yêne ali omu bulangashane, obwo erhi rhuli omu cinyabuguma rhwêne na rhwêne, n’omukò gw’Omugala Yezu gwanarhuyêza, gushuke ebyâha bîrhu byoshi.

1 Yowane 5:6

Ye Yezu Kristu wayishaga omu mîshi n’omu mukò; arhali omu mîshi mwône, ci omu mîshi n’omu mukò. Na Mûka Mutagatîfu ye hamîriza okwo, bulya Mûka Mutagatîfu ye Kuli.