Zakariya 12:5 - BIBLIYA NTAGATIFU OMU MASHI

⁵ Abarhambo ba Yûda bâkaz’ibwîrana bône na nnene, mpu: «Muli Nyamuzinda, Nyakasane w’Emirhwe, mwo abantu b’e Yeruzalemu bakûla emisî.»

Zakariya 12:5 ပူးပေါင်းရင်းမြစ်များ

Ennanga 144:1

Lwa Daudi. Nnâmahanga Nyamubâho agashâne, ye mutungo gwâni, Ye komeza amaboko gâni oku matabâro, anayigîrize eminwe yâni okulwa.

Ennanga 18:32

Ndigi oli Nyamuzinda aha nyuma za Nyakasane, Ndi oli lwâla aha nyuma za Nnâhamwîrhu Nyamuzinda?

Ennanga 18:39

Nabashûrha bayabîrwe kuyimanga, bâhirima aha magulu gâni

Ennanga 46:1

Gwârhi omukulu w’abimbiza. Lwa bene Korè. Oku izù ly’abanyere­ bashugi. Lwimbo.

Izaya 1:10

Yumvi akanwa ka Nyakasane, wâni baluzi b’e Sodomo murhege okurhwiri, muyumve irhegeko lya Nyamuzinda wîrhu, mwe lubaga lw’e Gomora.

Izaya 1:23

Abaluzi bâwe babîre bagoma na bîra b’ebishambo boshi boshi babîre banyakushundira omu nshoho zâbo na ba-nyakulomokera empembo. Enfûzi barhayiha lubanja n’endûlù y’omukana barhayirhega kurhwiri.

Izaya 1:26

Abacîranuzi bâwe nâshub’ibahindula nk’oku banayôrhaga burhanzi, n’abahanûzi bâwe nka kulya bali mîra. Enyuma z’aho bâkakuderha «Cishagala ca bushinganyanya», «lugo lwa bemêzi».

Izaya 28:5

Olwôla lusiku, Nyakasane Nyamuzinda w’emirhwe, yêne ashuba cimanè c’irenge n’ishungwè ly’obulimbi ly’amâhûngà gasigîre g’olubaga lwâge;

Izaya 28:6

ye wâbwîriza abatwî b’emmanja obushinganyanya, anabè burhwâli bwa balya bahagalikira ababisha aha muhango gw’ecishagala.

Izaya 29:10

bulya Nyakasane anammuhiziremwo omûka gw’obudandaguzi; anammuhizire olubwîbwî omu masù -mwe balêbi-, anammufunika irhwe -mwe banyakubona ebifulike-.

Izaya 32:1

Alà oku hâyisha omwâmi mushinganyanya n’abaluzi barhambula nk’oku binashingânîne.

Izaya 45:24

«Muli Nyakasane mwône mubà obushinganyanya n’emisî» Bayisha emunda ali bayunjwîre nshonyi balya boshi bali bamukunirîre.

Izaya 60:17

Ahâli h’omulinga, nakulêrhera amasholo, ahâli h’ecûma, nakulêrhera amarhale, ahâli h’enshâli, âkulerhera omulinga, n’ahâli h’amabuye, nakulêrhera ecûma. Abacîranuzi nâkuhà go Murhûla, n’abarhambo bâwe bwâbà Bushinganyanya.

Yeremiya 30:21

“Omurhambo wâge arhenga muli ye, n’omurhegesi wâge ayîshiba w’omu iburha lyâge. Nâyishimuhamagala, naye âyishibêra aha ndi. Ndi wankahalîzize okunyegêra? Kwo Nyakasane adesire”.

Yeremiya 33:26

lyoki nankalekêrera bene Yakôbo n’omulala gwa mwambali wâni Daudi; lyoki nankabula n’okuyîmika omwâmi w’obushanja bwâge nti arhambule bene Abrahamu, bene Izaki na bene Yakôbo! Bulya nkola nâshubishubûza ababîre bajà, mbayêreke olukogo lwâni.

Zakariya 10:12

Nâzibuhya olubaga lwâni, bâkaz’ishimba enjira zâni. Kwo Nyakasane adesire!

Zakariya 10:6

Nâzibuhya olubaga lwa Yûda, nâlîkûza olubaga lw’Israheli. Nâbashubiza emwâbo nnambayêreke obuzigire bwâni, mbè nka kuno ntà mango nsag’ibakabulira. Niene Nyakasane Nyamuzinda wâbo nâyumvîrhiza omusengero gwâbo.

Zakariya 12:4

Mw’olwo lusiku, kwo Nyakasane adesire, ebiterusi byâbo nâbilalusa n’entemu, n’ababishonyirekwo mbasirahye n’obwôba. Cikwône nâyish’ilanga Yûda, ci ebiterusi by’agandi mashanja, nâbihindula mihûrha.

Zakariya 12:6

Mw’ago mango, nâyish’ijira abarhambo ba Yûda nka lujo batwânîre ibekênga ly’omuliro aha nteberhebe, nka ngulumira ya bukere; bâyish’isherêza amashanja gabali enyunda zoshi. Ci kurhârhume abantu b’e Yeruzalemu barhacilamira omu cishagala câbo.

Zakariya 14:14

Yûda naye ayish’ilwîra muli Yeruzalemu. Obuhirhi bw’amashanja goshi gamuli eburhambi bwâyish’ishubizibwa: amasholo, ensaranga, emyambalo, nnundo erhali nyi.

Bacîranuzi 5:9

Omurhima gwâni guyêrekîre abarhegesi b’Israheli, omu lubaga, mwe b’omurhima mwinjà, mukuze Nyakasane,