Zakariya 12:13 - BIBLIYA NTAGATIFU OMU MASHI

¹³ Omulala. gw’enyumpa ya Levi hâgohâgo na bakâbo hâbo; omulala gw’e­ nyumpa ya Shimeyi hâbo na bakâbo hâbo.

Zakariya 12:13 ပူးပေါင်းရင်းမြစ်များ

2 Samweli 16:5

Erhi mwâmi ahika aha Bahurimi, muntu muguma w’omu mulala gwa Saulu anacihuluka aho. Oyôla muntu ye wali Shimeyi mwene Gera anaciyisha abahehêrera.

1 Bâm 1:8

Cikwônene omudâhwa Sadoki, Benayahu, mugala wa Yehoyada, Natani ye wali mulêbi Shimeyi, Reyi na ngasi zanali ntwâli za Daudi zoshi, barhakulikiraga Adoniyasi.

1 Nganîro 23:10

Kandi Shimeyi ashubiburha bagala bâni: Yahati, Ziza, Yehushi na Beriya.

1 Nganîro 23:7

Gershoni àbusire bâna babirhi, Ladani na Shimeyi.

1 Nganîro 3:19

Bagala ba Pedaya, bo: Zorobabeli na Shimeyi. Zorobabeli aburha bagala babirhi: Meshulamu na Hananiya, na munyere muguma ye Shelomiti.

1 Nganîro 4:27

Shimeyi aburha bagala ikumi na ndarhu na banyere ndarhu, ci abandi barhambo b’emilala barhaburhaga bâna banji. Co canarhumire emilala y’obûko bwa Simeoni ntà mango yabîre minji aka emilala ya Yûda.

2 Nganîro 29:14

Omu bene Hemani, Yehieli na Shimeyi, n’omu bene. Iditunu, Shemaya na Uzieli.

Zakariya 12:12

Ecihugo coshi câyish’ilaka na ngasi mulala: omulala gw’enyumpa ya Daudi hâgo na bakâbo hâbo; omulala gw’enyumpa ya Natani hâgo na bakâbo lwâbo lunda.

Zakariya 12:14

Kwo n’okwo eyindi milala yoshi yâyish’ikâlakira ngasi baguma hâbo na bakâbo lwâbo lunda.

Mibalè 3:18

Alaga amazîno ga bene Gershoni nk’oku emilala yâbo enali: Libni na Shimeyi.

Mibalè 3:19

Bene Kehati nk’oku emilala yâbo enali: Amrami, Yisari, Hebroni na Uzieli.

Mibalè 3:20

Bene Merari, nk’oku emilala yâbo enali: Mahali na Mushi. Bwo bûko bwa Levi obwôla nk’oku emilala ya bashakulûza bâbo enagenzire.

Mibalè 3:21

Gershoni ye shakulu w’omulala gwa Libni Shimeyi. Baderha mpu milala ya Banya-Gershoni.