Zakariya 10:7 - BIBLIYA NTAGATIFU OMU MASHI

⁷ Abantu b’omu Efrayimu bâcîyêrekana bazibu nka barhabâzi, ba nsha­gali nk’abanywîre oku mamvu. Abâna bâbo bayish’ikâlola n’amasù g’obusîme, n’omurhima gwâbo guyunjule mwishingo erhi Nyakasane orhumire.

Zakariya 10:7 ပူးပေါင်းရင်းမြစ်များ

Murhondêro 18:19

Bulya nacîmwishozire nti arhegeke abâna bâge n’enyumpa yâge enyuma zâge mpu balange enjira ya Nyamubâho omu kujira ebishingânîne n’ebilongîre»; na ntyo, Nyamubâho anajirira Abrahamu ebi amulaganyagya.

Murhondêro 43:34

Aderha obwo mpu babahêkerekwo birya biryo byàli omu cisha câge, mpu banababegere olukengwa, Benyamini yêhe mpu bamubegere karhanu kalushire aka abâbo. Banywêra haguma banasîma bwenêne.

Ennanga 102:28

Wêhe orhahinduka, n’emyâka yâwe erhajira aha ehekîre.

Ennanga 104:15

We rhuma idaho lyarhengamwo omugati lirhengemwo n’irivayi lyahiramwo omuntu orukara, lirhengemwo orhuvurha omuntu acêsamw’obusù, lirhengemwo n’ehigati omuntu agalulamwo amarhî.

Ennanga 13:5

Omushombanyi alek’iderha, erhi: «Namuhimire!» Abanzi bâni balek’icîshinga babona njajâba.

Ennanga 28:7

Nyakasane ye buzibu bwâni ye na mpenzi yâni! Yêne omurhima gwâni gwàli gucîkubagire ananyumva.

Ennanga 33:21

Omurhima gwîrhu gubâge gwacîtakîraye, izîno lyâge litagatîfu lyo rhuhizirekwo omurhima.

Ennanga 90:16

Bambali bâwe nabo babone oku kukola okola, na bagala bâbo babone irenge lyâwe.

Izaya 25:9

Muli olwôla lusiku bânâderhe, mpu: «Ye oyo, ye Nyamuzinda wîrhu, ye rhwàli rhulangâlire oku arhuciza; ye Nyakasane rhwacîkubagiraga. Rhusîme rhunacîshingire obucunguzi bwâge».

Izaya 38:19

Ocizîne, ocirimwo omûka yeki wankahash’ikukuza, nk’okûla ndwîrhe najira ene. Ababusi bayish’iyigîriza abâna bâbo oku we mudarhebana.

Izaya 54:13

Bagala bâwe boshi babà baganda ba Nyakasane, n’omurhûla gw’abâna bâwe gwabà murhûla munene.

Izaya 66:14

Mwabona okwôla, omurhima gwinyu guyunjule mwishingo; amavuha ginyu, nka kula olubala luyâsa, kwo nago gayâsa. Okuboko kwa Nyakasane kwamanyisibwa omu barhumisi bâge, n’obukunizi bwâge omu bashombanyi bâge.

Yeremiya 32:39

“Nkola nâshubibahà murhima muguma na ngeso nguma, lyo bashubinkenga lwoshi, nâbahà oluhembo na buzinda abâna bâbo”.

Ezekiyeli 37:25

Babere omu cihugo nahâga mwambali wâni Yakôbo, n’omu b’îshe wâbo bayûbakaga, babêramwo boshi n’abâna bâbo, ciru n’abâna bâbo ensiku zoshi na mwambali wâni Daudi âbà ye mwâmi ensiku zoshi.

Yoweli 2:23

Ninyu, mwe bantu b’e Siyoni, shamambiri n’omwîshingo, musîme muli Nyakasane, bulya obushinganyanya bwâge burhumire, ammuhîre e­nkuba, aniesize enkuba mpangûka omu mango gâyo, nk’oku byànalî burhanzi.

Habakuki 3:18

Ci kwône niehe nahama n’omwîshingo muli Nyakasane, nâcîshingira muli Nyamuzinda Muyôkozi wâni.

Sofoniya 3:14

Ohebe ehibûli hy’obusîme, mwâli Siyoni! Israheli, heha ecihôgêro c’obushagaluke! Oshagaluke, obande empûndu n’omurhima gwoshi, we mwâna-nyere w’e Yeruzalemu!

Zakariya 12:8

Mw’ago mango, Nyakasane âlanga abantu b’e Yeruzalemu; âbazamba bwenêne muli bo bâshuba bazibu aka Daudi, n’obûko bwa Daudi bubahêre nka Nyamuzinda, nka malahika wa Nyakasane obashokolire.

Zakariya 9:15

Nyakasane w’Emirhwe ye wâbalanga, bâyish’inywa omukò nk’idivayi.

Zakariya 9:17

Nêci mushâna! ayish’iyunjula busîme! âyish’ibà mwinjà! Engano yâyinji­hya abânarhabana n’idivayi ly’ecibabè lisîmîse abânanyere.

Luka 1:47

n’omûka gwâni gucishinzire bwenêne muli Nnâmahanga, Muyôkozi wâni,

Yowane 16:22

“Ninyu kwo n’okwo”. “Buno muli burhè; ci nâcimubone n’omurhima gwinyu gwâshagaluke, n’obusîme bwinyu ntâye wâcimmukûle kuli bwo”.

Ebijiro 13:33

Nyamuzinda arhuyunjulîzeyo, rhwe bâna bâbo, erhi afûla Yezu, nka kulya biyandisirwe omu lulanga lwa kabirhi, mpu oli mugala wâni, niene nkubusire ene.

Ebijiro 2:26

Co cirhuma omurhima gwâni gucishinga, n’olulimi lwâni lusima, n’omubiri gwâni gwayish’iluhûkira omu bulangâlire.

Ebijiro 2:39

“Bulya amalaganyo gali ginyu n’abâna binyu na ngasi boshi bali kuli, balya boshi Nyakasane Nyamuzinda wîrhu ânahamagale”».

Bafilipi 4:4

Mucîshinge muli Nyakasane ngasi mango. Nshubir’immubwîrakwo: mucîshinge.

1 Petro 1:8

Mumuzigira murhanasâg’imulolakwo; mumuyêmêra n’obwo murhasâg’imubona, n’omwîshingo gwinyu gurhankaderhwa gunayunjwîre irenge,

1 Samweli 2:1

Go mango Ana aderhaga ogu musengero: «Omurhima gwâni gukuzize Nyakasane namanakubûla obuhashe bwâni erhi Nyakasane orhuma. Lêro nâni namabumbûla akanwa embere z’abashombanyi bâni, bulya nsîmire okubà wamanyôkola