Yûda 1:23 - BIBLIYA NTAGATIFU OMU MASHI

²³ abandi, mubacize, mubayôkole omu muliro; abandi bôhe mubafe bwonjo, ci erhi munayôbohire, mugaye ciru n’omwambalo guzinzîbwe n’omubiri gwâbo.

Yûda 1:23 ပူးပေါင်းရင်းမြစ်များ

Migani 7:8

Lêro muguma anacigera omu muhanda, aha irhwêrhwè lyâgo, hôfi n’enjira y’enyumpa ya nyamukazi

Izaya 64:6

Ntâye ocidwîrhe ayâkûza izîno lyâwe, ntâye ociderha mpu azûka acishwêkere kuli we, bulya wàrhufulisire obusù bwâwe, wànaziga amabî gîrhu garhuyehûkana.

Ndûlù 4:14

Badwîrhage bajà bahukuza omu njira nka mihûrha, n’emyambalo yâbo ezinzire n’omukò.

Ben Levi 14:47

Owankalâla muliyo erhi kulîra muliyo kukwânîne ashuke emyambalo yâge.

Ben Levi 15:17

Ngasi mwambalo kandi erhi ngasi luhù, eyôla mburho yankahikakwo, kukwânîne bishukwe n’amîshi bigal’iyôrha bizizire kuhika bijingo.

Amosi 4:11

«Nammutulikanya kulya Nyamuzinda àtulikanyagya Sodomo na Gomora, mwayôrha kula ecikalakala bayôkola eciko ciyôrha; murhanagalukaga emunda ndi!» kwo Nyakasane adesire.

Barom 11:14

nti lyo nzûsa obumvu bwa bene wîrhu b’ishanja lyâni, nnambacungulemwo baguma-baguma.

1 Bakorinti 15:33

Mumanye murharhebagwa: «Okukômera ababî kunasherêze engeso nyinjà».

1 Bakorinti 3:15

Obûbake bw’omuntu erhi bwankagulumira, nnabo anahona; yêhe anacira yêne, cikwône nka owagera omu bwihîrà.

2 Bakorinti 5:11

Na ntyo, bulya rhuyishi oku kwânîne okuyôboha Nyakasane, rhudwîrhage rhwayêmêza abantu. Nyamuzinda yêhe rhulangashîne omu masù gâge. Ninyu nnangâlîre nti rhulangashîne omu mirhima yinyu.

2 Tesalonika 3:14

Akabà hali orhalonz’iyumva enyigîrizo zirimwo agâla maruba, mumumanyîrire, muleke okukâjà ah’ali, ly’enshonyi zimûmye.

1 Timoteyo 4:16

Ocîmanye wêne, omanye n’enyigîrizo zâwe; onazisêrekwo. Okajira ntyo, wacîciza wêne, onacize abakuyumvirhiza.

2 Yowane 1:11

Bulya owamulamusa erhi amashangîra ebijiro byâge bibî.

Yûda 1:22

Abadwîrhe barhindira, mubarhabâle bayêmêre;

Mafulûlo 3:18

Yumva nkuhanûle! Oyîshe ongulire amasholo gacêrîre eciko, ly’oshuba muhirhi, n’emyambalo myêru, oyambale, enshonyi z’obushugunu bwâwe zilek’ikubumba; ogule n’omushogolera, okamûlire omu masù, ly’obona.

Mafulûlo 3:4

Ci kwônene aha Sardi ogwêrheho bantu baguma barhazinzagya emyambalo yâbo. Abo, nêci, bayish’igenda haguma nâni omu myambalo myêru, bulya bakukwânîne.