Yozwe 9:21 - BIBLIYA NTAGATIFU OMU MASHI

²¹ Mpu: «Mubaleke balame», kwo abashamuka bàdesire; ci kône bahâbwe omukolo gw’okukashenya enshâli n’okudôma amîshi oku mbugânano ya bene Israheli yoshi nk’oku abashamuka banababwizire.

Yozwe 9:21 ပူးပေါင်းရင်းမြစ်များ

Yeremiya 46:22

Omulenge gwâge guli nk’izù lya njoka yashungûrha, bulya katù k’abà­ntu kayishire okucîhonda kuli ye n’embasha; nderhage abakonda embala;

Lushika 29:10

mwoyo n’abâna binyu, na bakinywi, ciru n’ecigolo cihanzire omu cirâlo câwe n’omuntu okushenyera enshâli n’okudômera amîshi,

Lushika 29:11

mukologa mwagendijà omu ndagâno ya Nyamubâho, Nyamuzinda wâwe, ndagâno afundika anayihirakwo endahiro, eyi ndagâno afundika ene haguma nâwe.

Yozwe 10:1

Adoni-Sedeki, mwâmi w’e Yeruzalemu ayumva oku Yozwè anahimire anarhôla ecihugo ca Ayi, oku amaciherêrekeza, oku anajirire Ayi n’o­mwâmi wâge kulya anajiriraga Yeriko n’omwâmi wâge, Ayumva oku abantu b’e Gabaoni erhi babà bamahashibona kurhi bayumvanya na bene Israheli, bakola bacîbêra emwâbo,

Yozwe 9:15

Yozwè anacijira endagâno y’omurhûla haguma nabo, kandi banacijira eyindi ndagâno y’okuderha mpu babaleka balame; n’abakulu b’ihano bacîgashira bo.

Yozwe 9:20

Lolagi oku rhwabajirira: Rhwabaleka balame ly’oburhè bwa Nyakasane bulekiyâka kuli rhwe, erhi kulya rhwabajiriraga e­ndahiro kurhuma.»

Yozwe 9:23

Kurhenga buno mukola mwayôrha bantu bahehêrirwe, na ntâye muli mwe wacileke okubà mujà, omukolo gwinyu gwabà gwa kukazishenya enshâli n’okukazidôma amîshi oku nyumpa ya Nyamuzinda wâni».

Yozwe 9:27

Ci konene Yozwè abajira bantu ba kukazibeza enshâli n’abà okukazidômera embugânano amîshi n’oluhêrero lwa Nyakasane, ngasi abà Nyakasane anacîshozire boshi: kwo banacikola ntyo ciru kuhika na buno.