Yozwe 8:4 - BIBLIYA NTAGATIFU OMU MASHI

⁴ Anacibahà eri irhegeko, erhi: «Loli, mukola mwagendigoneka olugo olunda lw’ebuzika-zûba bw’olugo, buzira kujà kuli n’olugo, mweshi munagonekere aho.

Yozwe 8:4 ပူးပေါင်းရင်းမြစ်များ

2 Bâm 7:12

Mwâmi azûka burhanacicanûka, anacibwîra abambali erhi: «Namubwîra kurhi abanya-Sîriya barhujirîre. Bulya bamanyire oku rhushalisire, bamârhenga omu cihando, bamagendicîfulika erubala, mpu: Hanôla barhenga omu lugo rhwanabagwârha bagumagumà, kandi rhujè omu lugo».

2 Nganîro 13:13

Yerobwâmi agabanya engabo yâge, baguma mpu bayîshe cifulikwe e nyuma z’abashombanyi eyindi ngabo mpu eyîshe embere za bene Yûda.

Muhanûzi 7:19

Oburhimanya bunahè omurhimanya emisî elushire eya barhambo ikumi omu lugo luguma.

Muhanûzi 9:16

Kwo kuderhaga nti oburhimanya bwo bukulu aha misî, ci kwône oburhimanya bw’omukenyi barhalonza okubumanya, n’ebinwa byâge barhabiyumvîrhiza.

Ebijiro 23:21

Ci wêhe, omanye wankabayêmêra; bulya balume makumi anni na kulusha ba muli bo, bamutulikîre amatumu; bàcîgashire mpu barhalye barhananywe barhanaj’imuyîrha. Na buno, mîra bacîrheganyangya; irhegeko lyâwe lyône bacidwîrhe balinda».

Yozwe 8:16

Okubundi obwo banacihamagaza mpu abantu bali omu lugo (Ayi) boshi bashagamuke babakulikîre; hanacikulikira Yozwè, balinda bacîyegûla kuli n’olugo.

Yozwe 8:3

Yozwè n’engabo yâge basôkera oku matabâro, hakola bagendilwîsa Ayi. Yozwè acîshoga balume bihumbi makumi asharhu ba ntwâli, abarhuma mpu babè bagenda budufu.

Bacîranuzi 20:29

Lêro obwo, Israheli ahira omurhego eburhambi bwa Gibeya,

Bacîranuzi 20:33

Bene Israheli barhenga halya bâli, bagendiyimanga aha Bali-Tamari. Nabo balya bâli murhego barhenga halya bali bacîfulisire omu kabanda ka Gibeya.

Bacîranuzi 20:36

Bene Benyamini babona oku lêro bamâhimwa. Ci kwônene okengêrage oku bene Israheli bacîyegûlaga kuli bene Benyamini bamulekera oluhyà, ebwa kubà bâli bacîkubagîre gulya murhego gwâbo bahiraga kuli Gibeya.

Bacîranuzi 9:25

Abôla barhambo b’e Sikemi banacimujirira emirhego oku marhwêrhwè g’entondo, banakazinyaga ngasi boshi bakagezire hôfi nabo omu njira; n’okwo kwamanyîkana emunda Abimeleki ali.

Bacîranuzi 9:32

Ojage aho, ozûke budufubudufu, n’olubaga luli nâwe, ogendibarhêra omu ndimiro.

1 Samweli 15:2

Amâderha ntya Nyamubâho w’emirhwe, erhi: Nkolaga nahana Amaleki kwa bulya bubî ajiriraga Israheli erhi ayinamuka arhenga e Mîsiri burhuma.

1 Samweli 15:5

Saulu ahika oku lugo lwa Amaleki, ahira abantu b’okukubika omu kabanda.