Yozwe 8:33 - BIBLIYA NTAGATIFU OMU MASHI

³³ Israheli yêshi abagula bâge, bali bayimanzire olunda n’olundi lwa omucîmba gw’amalaganyo ga Nyakasane, ebigolo, n’abandi b’embuga, n’abandi bantu b’olubaga, bayimanga cihimbi ciguma olunda lw’entondo Garizîmi, ecindi cihimbi olunda lw’entondo ya Ebali, nka kulya Mûsa omurhumisi wa Nyakasane anarhegekaga mîra galya mango agishaga bene Israheli.

Yozwe 8:33 ပူးပေါင်းရင်းမြစ်များ

Lubungo 12:49

Irhegeko libè lyo na lirya oku muburhwa w’omu cihugo n’oku mubunga ôbà muli mwe.»

Ben Levi 24:22

Eryo liri irhegeko linyu mweshi, abè mubunga, abè muburhwa omu cihugo, bulya nie Nyakasane Nyamuzinda winyu.

Mibalè 15:15

“Irhegeko lyabà liguma oku lubaga loshi, kuli mwe mweshi, kuguma n’ecigolo ciyûbasire emwinyu, lyabà irhegeko, oku ngasi iburha linyu lyoshi: oku cigolo na kuli mwe mwene, mweshi mwanakazijirirwa kuguma embere za Nyamubâho”.

Mibalè 15:16

“Irhegeko lyabà liguma lyonene, n’engeso yâbà nguma yonene, oli kuli mwe, oli oku cigolo ciyûbasire emwinyu.”»

Mibalè 15:29

“abè mwene Israheli erhi cigolo. Mwâbà n’irhegeko liguma erhi hankajira owajira ecâha omu kuhabuka”.

Yowane 4:20

Balarha bakâg’iharâmya kw’eyi ntondo, ninyu mpu Yeruzalemu ho hantu h’okuharâmya».

Lushika 11:29

N’amango Nyamubâho, Nyamuzinda wâwe abà amakuhisa mw’eci cihugo wajamwo mpu ociyanke cibè câwe, onahire omugisho oku ntondo ya Ebali.

Lushika 31:12

“Oshubûze olubaga, abalume, abakazi, abâna n’ecigolo ciri emwâwe, bayumve banalange banakulikire ebinwa by’olu Lushika byoshi”.

Lushika 31:25

arhegeka abaleviti bakâgibarhula omucîmba gw’endagâno ya Nyamuzinda, erhi:

Lushika 31:9

Mûsa ayandika olu Lushika analufumbika abadâhwa, bene Levi, bo bakazâgibarhula omucîmba gw’endagâno ya Nyamuzinda. Afumbikalo n’abagula ba Israheli boshi.

Yozwe 23:2

Yozwè anacihamagala bene Israheli boshi, n’abagula bâbo n’abarhambo bâbo n’abacîranuzi bâbo na ngasi bandi bâli bagwêrhe ecikono anababwîra, erhi: «Niono nkola nshosihîre, nankola nzidohirwe n’e­myâka;

Yozwe 24:1

Yozwè anacihamagala emilala yoshi ya bene Israheli aha Sikemi, ahamagala n’abagula n’abarhambo bâbo n’abacîranuzi bâbo na ngasi ba­ndi banali bagwêrhe ecikono muli bo. Boshi hanaciyisha embere za Nyakasane,

Yozwe 3:14

Olubaga erhi lurhenga omu mahêma galo mpu bajagiyikira Yordani, erhi abadâhwa bâli babarhwîre omucîmba gw’amalaganyo babà bakola bali embere z’olubaga.

Yozwe 3:3

Bajà bahâna eri irhegeko oku lubaga, mpu: «Hano mubona omucîmba gw’amalaganyo ga Nyakasane, Nyamuzinda winyu, gwamabarhulwa n’abadâhwa bene Levi, ninyu mwanayimuka aha muli mugushimbe.

Yozwe 3:6

Oku bundi Yozwè anacibwîra n’abadâhwa, erhi: «Mubarhule omucîmba gw’amalaganyo mushokolere olubaga». Banacibarhula omucîmba gw’amalaganyo, banacilîkûla, bashokolera olubaga.

Yozwe 4:10

Abadâhwa bali babarhwîre omucîmba gw’amalaganyo, bayimanga omu karhî ka Yordani kuhika Yozwè ayûsa okubwîra olubaga ebi Nyakasane anali amurhegesire okulubwîra, nk’oku Mûsa anali arhegesire Yozwè, olubaga lwakanyiriza omu kuyikira.

Yozwe 4:18

Erhi abadâhwa bali babarhwîre omucîmba gw’amalaganyo ga Nyakasane babà bamârhenga omu karhî ka Yordani n’erhi amagulu gâbo gabà gamarhinda oku budaka bûmu, amîshi gashubira omu bululi bwâgo, gashubirhondêra okuyerêra nk’oku ganakazâgijira injo na lishinjo, gakazihama ebikunguzo byâlo byoshi.

Yozwe 6:6

Yozwè mugala wa Nuni erhi abà amahamagala abadâhwa, anacibabwîra, erhi: «Murôle omucîmba gw’amalaganyo, na badâhwa nda barhôle mishekera nda ya mahembe ga ngandabuzi, bajè embere ly’omucîmba gwa Nyakasane».