Yozwe 8:29 - BIBLIYA NTAGATIFU OMU MASHI

²⁹ Arhegeka mpu olya mwâmi w’e Ayi bamumanike oku murhi banalekereye okola kuhika bijingo. Erhi izûba lizika, Yozwè abâna irhegeko mpu bamanule ecirunda câge oku murhi bamukwêbe aha muhango gw’olugo, banamulundêko ecirundo c’amabuye, ho cinacibà kuhika oku lusiku lw’ene.

Yozwe 8:29 ပူးပေါင်းရင်းမြစ်များ

2 Samweli 18:17

Bayanka Absalomu bamukwêba omu mwîna munene omu muzirhu, banamulundikakwo ecirundo cinene c’amabuye. Nabo bene Israheli bakûla omulindi bayâkira ngasi muguma omu mwâge.

Esteri 7:10

Banacimanika Hamani kuli gulya mulingoti arheganyizagya Mardokeyo. Na ntyôla mwâmi anacitwîka oburhè.

Ennanga 107:40

Agaya abaluzi bwenêne, àbahabuliraga omw’irungu, omu nyâmà wandya,

Ennanga 110:5

Nyakasane aha kulyo kwâwe ali: olusiku atulumukirwa lyo amâmi-mâmi gaherêrherwa.

Yowane 19:31

Lwàli lusiku lw’Amarheganyo ga Basâka, lyo emirhumba erhag’ibêra oku musalaba olwa Sabato, n’olwo lwa-Sabato lwàli lukulu bwenêne, Abayahudi baj’ihûna Bilato mpu babavune emilundi, banabamanule,

Ebijiro 12:23

Ho n’aho, Malahika wa Nyakasane amunêsha, bulya arhàli ahîre Nyamuzinda irenge lyâge. Alundwa n’emivunyu, arhengamwo omûka.

Yozwe 10:30

Nyakasane anacibahâlwo n’omwâmi walwo, aluhà Israheli, naye alugeza oku bwôji bw’engôrho. Baherêrekeza olwo lugo na ngasi bya buzîne byanalimwo byoshi, buzira kuleka ciru n’omuntu muguma wafulumuka mpu ayâke, naye omwâmi w’olwo lugo amujirira nka kulya anajiriraga omwâmi w’e Yeriko.

Yozwe 10:33

Okubundi Horami, mwâmi w’e Gezeri anacikanya mpu akola agendirhabâla Lakishi. Yozwè amuhima n’olubaga lwâge, buzira kumusigaliza ciru n’omuguma ozîne.

Yozwe 12:9

Omwâmi w’e Yeriko, muguma; omwâmi w’e Ayi hôfi na Beteli, muguma;

Yozwe 7:26

Banacimuhirakwo ecirundo c’amabuye, n’eco cirundo hociciba kuhika ene. Lêro obwo, Nyamubâho anacirhengamwo bulya burhè bwàli bumugwêrhe bwenêne. Co carhumaga abo bantu bakazihaderha mpu: Kabanda k’Akori kuhika ene.

Yozwe 8:23

Banacigwârha omwâmi w’e Ayi, bayisha bamudwîrhe anacizîne emunda Yozwè ali.