Yozwe 8:20 - BIBLIYA NTAGATIFU OMU MASHI

²⁰ Abantu b’e Ayi mpu bacihindamuka, k’orhabona, balangîra omugî gwatumbûka omu lugo guli omu nkuba malunga, babula lunda luguma luhi bayâkîre, olubaga lwayâkiraga ebw’irungu, lwashubibahindamukira, baligi balya bali babashimbire.

Yozwe 8:20 ပူးပေါင်းရင်းမြစ်များ

Murhondêro 19:28

Alâba Sodomo na Gomora n’akabanda koshi, alangîra omugî gwatumbûka omu cihugo nka mugî gw’omu cibêye.

Ayubu 11:20

Ci kwône amasù g’endyâlya gohe ganazikîrire, babule aha bayâkira, okulangâlira kwâbo kubè nka ko kukola kurhengamwo omûka.

Ennanga 76:5

Wayisha n’emisî, wamoleka nka cimole, wamanuka oku ntondo z’ensiku n’amango.

Izaya 34:10

Oli mûshi, oli budufu, gurhâzima, n’omugî gwâgo gusôkera burhahusa emalunga. Kurhenga oku ihurha kujà oku lindi, eco cihugo cafananda, cirhakacifà cagêzirwemwo n’omuntu.

Yozwe 8:19

Erhi alambûla okuboko, balya bantu bali bahenesire bayimuka halya bali dubaduba, bakûla omulindi, bacîhonda omu lugo, banalurhôla, banacidûlika omuliro oku lugo dubaduba.

Yozwe 8:21

Yozwè na bene Israheli erhi balangîra oku olugo lwarhôlagwa na balya bantu bali bacîfulisire, n’oku lukola ludûlike muliro, omugî gukola gwakazisôka omu lugo, bagolonjoka, balwîsa banahima balya bantu b’e Ayi.

Mafulûlo 18:9

Bamulakira banamubandire endûlù obwo balya bâmi b’igulu bakâg’ihusha bo naye n’okulimbira baguma naye, hano babona omugî gw’engulumira y’omuliro edwîrhe yamubôyôla.

Mafulûlo 19:3

Bashub’iyisha, mpu: «Aleluya! Omugî gwâge gudwîrhe gwasôkera enyanya kuhika ensiku n’amango!»

Bacîranuzi 20:38

Bene Israheli boshî n’abo bantu bâli murhego, bâli erhi bayumvinye oku hano balangîra ecigî citumbûka omu lugo, banamanye oku bakola balimwo.

Bacîranuzi 20:40

Ci kwônene, ecimanyîso erhi carhondîre okubonekana omu lugo, càli erya nkingi y’omugî, Benyamini anacihindamuka, lolà oku olugo loshi lukola luli muyongo omu nkuba malunga.

Bacîranuzi 20:41

Bene Israheli bahindamuka; Benyamini arhungwa n’obwôba erhi abona obuhanya bwamamujakwo.