Yozwe 8:1 - BIBLIYA NTAGATIFU OMU MASHI

¹ Nyakasane anacibwîra Yozwè, erhi: «Orhayôbohaga, orhanarhemukaga. Yanka engabo y’abalwî boshi, oyisôkane, orhabalire Ayi. Alà oku nakuhîre omwâmi w’e Ayi n’olubaga lwâge, olugo lwâge n’ecihugo câge.

Yozwe 8:1 ပူးပေါင်းရင်းမြစ်များ

Ennanga 27:1

Lwa Daudi. Nyakasane ye kamole ye na kucira kwâni: ndi naciyôboha? Nyakasane ye lwâkiro lwâni: ndi wampiramwo ecikango?

Ennanga 44:3

Wêne erhi ôbà wamâhulusa amashanja n’okuboko kwâwe, wabayanka bôhe wàbagwika butûdu; walasa amashanja wabashagalusa bôhe.

Ennanga 46:11

Lekeragi aho: mumanye oku niene nie Nyamuzinda, nie nkulire amashanja nie nkulire n’igulu.

Izaya 12:2

Nyamuzinda ye bucire bwâni: Ye ncîkubagîre, ntâco naciyôboha; bulya Nyakasane yo misî yâni lwo na lwimbo lwâni, ye bucire bwâni.

Izaya 43:2

Erhi wankalambagira omu mîshi, ndi haguma nâwe, enyîshi zirhankakuzîsa. Erhi wankâgera omu muliro, orhankahya, engulumira yâgo erhankakuyôca.

Yeremiya 46:27

“Cikwône, w’oyo Israheli, mwambali wâni Yakôbo, orhayôbohaga. Bulya lolà oku nyishire okuyishikuciza, kurhenga omu bihugo by’e kulî n’iburha lyâwe, lyârhenga omu cihugo c’obujà. Yakôbo âshubiyagaluka anadêke n’omurhûla, adêkerera n’obuholo na ntâye wacimuhugûga”.

Yeremiya 49:3

Banda endûlù, Hesboni, bulya Ayi ànashâbirwe. Bandi orhuhababo bananyere b’e Raba! Yambali ba sunzu, mubande endûlù mutulutumbe omu byôgo! Bulya Milkomu akola ahêkwa bujà haguma n’abadâhwa bâge n’abalanzi bâge boshi.

Daniyeli 2:21

Yêne ye ohindula akasanzi n’amango, ye oyîmika abâmi ayîmûle n’abandi ye ohâna oburhimanya oku barhimanya n’obumanye oku banya-bukengêre.

Daniyeli 4:25

Okwôla kwoshi kwanaciyishira mwâmi Nabukondonozori.

Mateyo 8:26

Naye ababwîra, erhi: «Bici muyôbohire, babula­ buyêmêre?» Erhi acizûka, akalihira empûsi n’enyanja, n’omurhûla gwabà,

Lushika 1:21

Nti, k’orhabwîni oku Nyamubâho, Nyamuzinda wâwe okuhîre ecîra cihugo? Kanyà ociyanke nka kulya Nyamubâho, Nyamuzinda wa basho arhegesire, orharhînyaga, orhageragamwo musisi».

Lushika 31:8

Nyamuzinda yêne ye kushokolîre, ye wâbà ali nâwe, arhakulikirire arhanakulekêrere. Orhayôbohaga, orhageramwo omusisi.»

Lushika 7:18

Orhabarhînyaga: okengêre kulya Nyamubâho, Nyamuzinda wâwe akoleraga Faraoni mwâmi w’e Mîsiri n’ecihugo ca Mîsiri coshi:

Lushika 7:21

Orhadirhimanaga embere zâbo, bulya Nyamubâho, Nyamuzinda wâwe ali ekarhî kâwe. Ye Nyamuzinda mukulu n’owokuyôbohwa.

Yozwe 1:9

“K’orhayumvirhi oku nkurhegesire: nti ozibuhe onarhwâlihe? Orhabâga na boba buci orhabâga na ntemu nci, bulya Nyakasane Nyamuzinda wâwe, ali haguma nâwe ngasi hoshi wankanaja”».

Yozwe 10:7

Okubundi, Yozwè anacirhenga aha Gilgala, ye n’engabo z’abalwî bâge zoshi, n’entwâli zâge zoshi.

Yozwe 10:8

Nyakasane anacibwîra Yozwè erhi: «Omanye orhabarhînyaga, bulya nabahizire omu maboko gâwe, ntâye ciru n’omuguma wahaza embere zâwe».

Yozwe 2:24

Banacibwîra Yozwè, mpu: «Kwo binali Nyakasane arhuhîre ecihugo coshi, ciru n’abantu ba mw’eco cihugo boshi badwîrhe bageramw’omusisi embere zîrhu».

Yozwe 6:2

Nyakasane anacibwîra Yozwè, erhi: «Lolà oku nkuhîre Yeriko n’omwâmi wamwo, n’abalwî bamwo.

Yozwe 7:9

“Abanya-Kanâni bakolaga bakumanya, abandi bayûbaka omu cihugo coshi buzinda bakolaga bayishirhugorha, barhuyîrhe, izîno lîrhu lihirigirhe bano igulu. Na buzinda kurhi okolaga wayishijirira izîno lyâwe ly’ogala byoshi?”»