Yozwe 7:26 - BIBLIYA NTAGATIFU OMU MASHI

²⁶ Banacimuhirakwo ecirundo c’amabuye, n’eco cirundo hociciba kuhika ene. Lêro obwo, Nyamubâho anacirhengamwo bulya burhè bwàli bumugwêrhe bwenêne. Co carhumaga abo bantu bakazihaderha mpu: Kabanda k’Akori kuhika ene.

Yozwe 7:26 ပူးပေါင်းရင်းမြစ်များ

2 Samweli 18:17

Bayanka Absalomu bamukwêba omu mwîna munene omu muzirhu, banamulundikakwo ecirundo cinene c’amabuye. Nabo bene Israheli bakûla omulindi bayâkira ngasi muguma omu mwâge.

2 Samweli 21:14

Ntyo babisha amavuha ga Saulu n’ag’omugala Yônatani ha guma n’ag’abôla bamanikagwa nabo, bagend’igabisha omu cihugo ca bene Benyamini, aha Sela, omu nshinda y’îshe Kishi, banajira nka oku mwâmi anal’irhegesire kwoshi. Buzinda bw’ahôla Lungwè arhûlûla agashanira ecihugo.

2 Nganîro 29:10

Bunôla ngwêrhe omuhigo gw’okujira endagâno haguma na Nyamubâho, Nyamuzinda w’Israheli, ly’obukunizi bwâge burhenga kuli rhwe.

Ezra 10:14

Abarhambo bîrhu bayimange ahâli h’olubaga: na ngasi boshi banayansire abakazi b’ahandi, omu bishagala bîrhu, bayishe omu lusiku banatwîrîrwe, bayishe n’abashamuka n’abacîranuzi ba ngasi cishagala, kuhika oburhè bwa Nyamuzinda wîrhu burhuyêgûkekwo erhi okwo kurhuma.

Ennanga 85:4

Omungo gwâwe wagurhanga, n’oburhè wali wabuleka.

Lubungo 32:12

“Cankarhuma abanya-Mîsiri baderha, mpu: Buminya bwarhumaga abarhenza eno munda mpu ly’ajibayirhira omu mpinga, anabaherêrekeze hano igulu! Rhuliriza obukunizi bwâwe, onaleke obubî olonzize okujirira olubaga lwâwe”.

Izaya 40:2

Mubwîre Yeruzalemu akanwa kamujà omu murhima munabirikire oku obujà bwâge bwahwîre, oku ecâha câge càbabalirwe, oku okuboko kwa Nyakasane kwamuhanyire kabiri oku mabî gâge goshi.

Izaya 65:10

Saroni âhiduka lwâbuko lwa bibuzi, n’olubanda lwa Akori lwâbà cirâlo c’enkafu kuli olwôla lubaga lwâni lwakazâg’innongereza.

Ndûlù 3:53

Bantogîze omu mwîna nandi mugumagumà, bahira ibuye enyanya zâni.

Hozeya 2:15

Nâmuhana oku nsiku za Baali, ezi akagimurherekêramwo, àkola ayambîrhe engolo n’amagerha. Niehe anyibagira! Kanwa ka Nyamuzinda.

Hozeya 2:17

nshambâze omurhima gwâge. Kurhenga aho mmugalulire enkoma zâge n’olubanda lwa Akori, muhango gwa bulangâlire, ashuza lêro nk’amango aciri mugêngere n’amango arhengaga omu cihugo c’e Mîsiri.

Yoweli 2:13

Arhali myambalo yinyu yo musharhulage, ci murhima gwinyu gwo mu­kwânîne okuhindula. Nêci, galuki emwa Nyakasane bulya ali mwonjo na mwinjà, analegame omu kukaliha, ci mubidu omu kuhâna obwonjo, arhanakwirirwa mabî.

Yoweli 2:18

Nyakasane âyâgalwa n’ecihugo câge, âcibêra lukogo, âbabalira n’olubaga lwâge.

Yônà 1:15

Bàgwârha Yônà, bamukwêba omu nyanja, okuhandi enyanja yarhûza.

Zakariya 6:8

Lêro Nyakasane anacimpamagala anambwîra, erhi: «Lolà, ebyo bijîre olunda lw’ebulembe bikolaga byâj’iyandagaliza Omûka gwâni kw’eco cihugo.»

Mibalè 25:8

akulikira olya mulume munya-Israheli enyuma l’Ihêma ly’embugânano, abatumirha bombi: olya mulume munya-Israheli n’olya mukazi abafubula enda. Obuhanya bwàli budwîrhe bwayîrha bene Israheli bwayimanga.

Lushika 13:17

“ebyakanyagwa byoshi, onabilunde omu ngo y’emuhanda, omurhundu oguyôkere kuguma n’eminyago yago yoshi, gwoshi ogurhûle Nyamubâho, Nyamuzinda wâwe. Gushube bigûkà by’ensiku zoshi birhaciyûbakwe”.

Lushika 13:18

“Orhayôrhanaga akantu ka muli olwo lugo luhehêrere, kuderha mpu Nyamuzinda arhûlirire, aleke oburhè anali, obwonjo bwâwe bumugwarhe akubabalire anakuluze, nka kulya àlaganyagya basho”,

Yozwe 10:27

Erhi izûba lihorha, Yozwè arhegeka mpu babamanule kulya mirhi: banacibakwêba muli lulya lwâla banali bacîfulisiremwo; banacihirika ebibuye binene binene omu munwa gwa lulya lwâla, ho ganacibà kuhika oku lusiku lw’ene.

Yozwe 7:24

Yozwè na bene Israheli boshi, banacirhôla Akâni, mugala wa Zera, banacirhôla galya marhale, banacirhôla cirya cishûli, banacirhôla cirya cizinge c’amasholo, banacirhôla bagala bâge, na bali b’Akâni, banacirhôla enkafu zâge, endogomi zâge, ebibuzi byâge, ihêma lyâge na ngasi ebi anali agwêrhe byoshi, babijana omu kabanda k’Akori.

Yozwe 8:29

Arhegeka mpu olya mwâmi w’e Ayi bamumanike oku murhi banalekereye okola kuhika bijingo. Erhi izûba lizika, Yozwè abâna irhegeko mpu bamanule ecirunda câge oku murhi bamukwêbe aha muhango gw’olugo, banamulundêko ecirundo c’amabuye, ho cinacibà kuhika oku lusiku lw’ene.