Yozwe 6:9 - BIBLIYA NTAGATIFU OMU MASHI

⁹ Abalwî bali badwîrhe n’emirasano yâbo, bashokolera abo badâhwa bayishaga babûha emishekera n’abandi balwî bali enyuma z’omucîmba oku bajà bagenda ntyo erhi banayisha babûha emishekera.

Yozwe 6:9 ပူးပေါင်းရင်းမြစ်များ

Izaya 58:8

Ntyo wânalangashana nka buce bwa sêzi, ebibande byâwe byanafuma dubaduba, obushinganyanya bwâwe bwanakaz’ikushokolera, n’irenge lya Nyakasane lyanakaz’ikukulikira.

Mibalè 10:25

Ibendêra ly’ecihando ca bene Dani nalyo lyagenda, nk’oku emirhwe yanali: gwo gwàli murhwe muzinda omu bihando byoshi. Omurhwe gwa Dani gwàli gurhegesirwe n’omurhambo Ahiyezeri, mwene Amishadayi;

Yozwe 6:10

Yozwè ali erhi ahîre olubaga eli irhegeko, erhi: «Murhahîra mukajira olubî, mumanye izù linyu lirhayumvikanaga, n’ekanwa kinyu erharhengaga ecinwa ciru n’eciguma, kuhika amango niene namubwîra nti: Bandi orhuhababo! Aho, mwanabanda orhuhababo!»

Yozwe 6:13

Balya badâhwa nda bali bafumbasire mishekera nda y’amahembe g’engandabuzi, banashokolire omucîmba gwa Nyakasane nabo balîkûla, babûha emishekera. Abalwî badwîrhe emirasano yâbo babashokolera, n’abandi balwî bali enyuma bakulikira omucîmba gwa Nyakasane - oku bajà bagenda ntyo, erhi banayisha babûha emishekera.

Yozwe 6:8

Yozwè erhi abà amabwîra olubaga okwo, balya badâhwa nda bali bafumbasire mishekera nda ya mahembe ga ngandabuzi, banacishokola embere za Nyakasane, bayisha babûha erya mishekera, n’omucîmba gw’amalaganyo ga Nyakasane gwabayisha enyuma.