Yozwe 5:4 - BIBLIYA NTAGATIFU OMU MASHI

⁴ Yumvagya ecarhumaga Yozwè abakembûla. Olubaga lwarhengaga e Mîsiri loshi, lulya lubaga lw’abalume bali mirhwe y’abalwî, boshi bali erhi bafirîre omw’irungu, muli ago mango banali omu njira y’okurhenga e Mîsiri.

Yozwe 5:4 ပူးပေါင်းရင်းမြစ်များ

Mibalè 14:22

“Abantu boshi babwîne irenge lyâni n’ebisômerîne najiraga e Mîsiri na omw’irungu, abantu bamantangula kali ikumi, barhanyumva izù lyâni”,

1 Bakorinti 10:5

Cikwône banji muli bo barhasimîsagya Nnâmahanga; kwarhuma emibiri yâbo yalambama omu mpinga.

Lushika 2:14

Akasanzi rhwajire rhwagenda, kurhenga e Kadesi Barnea, kuhika amango rhwayikiraga omugezi gwa Zaredi kali ka myâka makumi asharhu na munâni; ntyo, omurhwe gwa balya boshi bâli bakola balume b’okujà oku matabâro gwàli gwamahwa omu cihando, nka kulya Nyamubâho àli acîgashire.

Lushika 2:16

Erhi olufù lubà lwamarhenga omu lubaga balya boshi banali bakola balume b’okujà oku matabâro,

Yozwe 5:3

Yozwè anacijirisa orhwere rhw’amabuye, akembûlamwo bene Israheli oku ntondo y’Araloti.

Yozwe 5:5

Bulya olubaga lwarhengaga e Mîsiri loshi lwàli lukembûle, ci konene lulya lubaga lwaburhiragwa omw’irungu, omu njira, galya mango g’okurhenga e Mîsiri, ntâye muli lwo wali mukembûle.