Yozwe 4:6 - BIBLIYA NTAGATIFU OMU MASHI

⁶ Gayôrha cimanyîso kuli mwe. Erhi abâna binyu bakabadôsa irhondo: mpu agâla mabuye gali ga kuderha kurhi?

Yozwe 4:6 ပူးပေါင်းရင်းမြစ်များ

Ennanga 44:1

Gwârhi omukulu w’abimbiza. Lwimbo lwa Nyigîrizo. Lwa bene Korè.

Ennanga 71:18

Bukolaga bushosi obu, zikola mvi zino, Yâgirwa Nnâmahanga orhandekêreraga; nkaziganîrira abâna ba buno emisî y’okuboko kwâwe, n’abâna bâburhwa boshi mbabwîre obuhashe bwâwe?

Lubungo 12:14

“Olwo lusiku mulujire lwa kukengêrwa, lubè lusiku lukulu lwa Nyakasane. Kurhenga oku iburha kuhika oku lindi, mulujire lubè luzira lw’ensiku n’amango.”»

Lubungo 13:14

“N’irhondo mugala wâwe akakudôsa, erhi: Kwo kurhi okwo?, onamubwîre, erhi: kuboko kuzibu Nyakasane àrhurhenzagyamwo e Mîsiri, omu nyumpa y’obujà”.

Lubungo 13:9

“Ntyo câbà cimanyîso ekuboko kwâwe na mwîbûko ebusù bwâwe, lyo irhegeko lya Nyakasane libà omu kanwa kâwe, bulya kuboko kwâge kuzibu Nyakasane akurhenzagyamwo e Mîsiri”.

Lubungo 31:13

«Obwîre Bene Israheli, erhi: Mukâkenga bwenêne ensiku zâni za Sabato, bulya ciri cimanyîso ekarhî kinyu na nâni, kurhenga oku iburha kujà oku lindi, lyo bakazimanyirira oku nie Nyakasane, nie mmucêsa.

Izaya 38:19

Ocizîne, ocirimwo omûka yeki wankahash’ikukuza, nk’okûla ndwîrhe najira ene. Ababusi bayish’iyigîriza abâna bâbo oku we mudarhebana.

Izaya 55:13

Ahantu harhasâg’imera mishûgi hakola hamera ensindani, n’ahantu hàmeraga olushusha hakola hamera omurhi gw’obukù. Lyâbà irenge kuli Nyakasane na cimanyîso cirhazâzika ensiku n’amango.

Ezekiyeli 20:12

Ciru nanacibaha ensiku zâni za Sabato nti zibè cimanyîso ekarhî kâni nabo, lyo bakazimanyirira oku niene nie Nyamubâho ndwîrhe nabacêsa.

Ezekiyeli 20:20

Mukenge ensiku zâni za Sabato zibè cimanyîso ekarhî kâni na ninyu, bakazimanya oku nie na ndi Nyamubâho, Nyamuzinda winyu.

Ebijiro 2:39

“Bulya amalaganyo gali ginyu n’abâna binyu na ngasi boshi bali kuli, balya boshi Nyakasane Nyamuzinda wîrhu ânahamagale”».

Lushika 11:19

Mubiyigîrize bagala binyu, munakazibakengezabyo, obè otamîre omu mwâwe erhi odwîrhe walambagira omu njira, obè ogwîshîre erhi obè oyîmanzire.

Yozwe 22:27

ci lyo lukaziyôrha luli kabêshûza ekarhî kîrhu ninyu, n’amâburha gîrhu enyuma zîrhu, lukazimanyîsa oku rhunahêre Nyakasane, omu kurherekêrera embere zâge, enterekêro z’ensirîra, n’ezindi nterekêro n’ebi rhubâga oku murhûla, lyo abâna binyu balekibwîra abâna bîrhu irhondo mpu: Ntâco mushangîra na Nyakasane.

Yozwe 4:21

Anacibwîra bene Israheli erhi: «Mango abâna binyu bankadosa b’îshe wâbo irhondo mpu: aga mabuye kuli kuderha kurhi?

Yozwe 4:5

Yozwè anacibabwîra erhi: «Mugere embere z’omucîmba gwa Nyakasane, Nyamuzinda winyu, omu karhî ka Yordani, ngasi muguma akazibarhula ibuye aha cirhugo câge nk’oku emilala ya bene Israheli enali».