Yozwe 4:3 - BIBLIYA NTAGATIFU OMU MASHI

³ onabahè eli irhegeko: Kurhenga aha, omu karhî ka Yordani, kurhenga aha abadâhwa bashuba bayimanzire, murhôle ho mabuye ikumi n’abiri, mugayikirane, mugendigagwîka omu cirâlo mwahandamwo omu budufu bw’ene».

Yozwe 4:3 ပူးပေါင်းရင်းမြစ်များ

Murhondêro 28:22

n’eri ibuye namagwika luhêrero, lyabà ka-Nyamuzinda nakaz’imurhûla ecihimbi c’omu ikumi c’ebi ampà byoshi».

Ennanga 103:2

Murhima gwâni, kuza Nyamuzinda, ntà nshobôlo yâge oyibagirage.

Ennanga 11:4

Nnâmahanga omu ka-Nyamuzinda kâge katagatîfu, Nyakasane oku ntebe yâge y’obwâmi omu malunga; amasù gâge gadwîrhe galolêreza igulu, engohe zâge zidwîrhe zasinza abâna b’abantu.

Luka 19:40

Naye abashuza, erhi: «Mmubwîzire oku erhi bankahulika, amabuye ganayâma».

Yozwe 24:27

Yozwè anacibwîra olubaga loshi, erhi: «Loli, eri ibuye kabêshûza kuli rhwe, bulya mwayumvîrhe ebinwa bya Nyakasane anarhubwîraga; lyabà kabêshûza kuli mwe, lyo mulekishubihakana Nyamuzinda winyu».

Yozwe 3:13

Na hano abadâhwa babarhwîre omucîmba gw’amalaganyo ga Nyakasane, Nyamuzinda w’igulu lyoshi, bahira okugulu ntya omu mîshi ga Yordani, amîshi ga Yordani ganagabanyika, agahulula kurhenga enyanya ganayimanga bunya cirimbirimbi».

Yozwe 4:4

Yozwè anacihamagala balya balume anacîshogaga omu bene Israheli, mulume muguma oku ngasi mulala.

Yozwe 4:8

Bene Israheli banacijira nk’okwo Yozwè anabarhegekaga. Banacirhôla mabuye ikumi n’abiri omu karhî ka Yordani, nka kulya Nyakasane anabwîraga Yozwè, nk’oku emilala ya bene Israheli yanali, na erhi babà bamagayikirana kulya cihando balalagamwo budufu, bagadêkereza halya.

1 Samweli 7:12

Okubundi Samweli anaciyanka ibuye aliyimânika ekarhî ka Mispa na Yoshana, analiyîrika izîno lya Ebeni-Ha-Azeri, kwo kuderha mpu kuhika aha Nyamubâho orhulwirire.