Yozwe 3:14 - BIBLIYA NTAGATIFU OMU MASHI

¹⁴ Olubaga erhi lurhenga omu mahêma galo mpu bajagiyikira Yordani, erhi abadâhwa bâli babarhwîre omucîmba gw’amalaganyo babà bakola bali embere z’olubaga.

Yozwe 3:14 ပူးပေါင်းရင်းမြစ်များ

Ennanga 132:8

Yimuka, Nyamwagirwa, ojè aha warhamûkira, mwe n’omucîmba gw’obwâmi bwâwe.

Yeremiya 3:16

N’amango mwâbà mwayôlolisire mwanalehekera mw’eco cihugo, ago mango, Nyakasane akudesire, barhaciderhe mpu: «ngahi omuciîmba gw’amalaganyo ga Nyakasane guli». Barhâgugerêreze, barhâgukengêre, barhakanacibinja gundi.

Lushika 31:26

«Muyanke ecitabu c’olu Lushika. Mucîgwâse aha burhambi bw’omucîmba gw’endagâno ya Nyamubâho, Nyamuzinda winyu. Cibêreho cinabe caliho w’okukuyagîriza.

Bahabraniya 9:4

Hàli olûsho lw’omugavu luyûbasirwe n’amasholo, n’omucîmba gw’e­ndagâno gufûnisirwe n’amasholo enyunda zoshi. Na muli ogwo mucîmba mwali ikovu ly’amasholo liyunjwîre mâna, n’akarhi k’Aroni kàmeragakwo obwâso, n’amabuye g’endagâno.

Yozwe 24:11

“Mwanaciyikira Yordani, mwanahika aha Yeriko. Abantu b’e Yeriko banacirhondêra okubalwîsa, n’abanya-Moreni, Abanya-Perizi, Abanya-Kanâni, Abanya-Hiti, Abanya-Girgashi, Abanya-Hivi n’Abanya-Yebusi, na boshi nabahâna emunda muli”.

Yozwe 3:3

Bajà bahâna eri irhegeko oku lubaga, mpu: «Hano mubona omucîmba gw’amalaganyo ga Nyakasane, Nyamuzinda winyu, gwamabarhulwa n’abadâhwa bene Levi, ninyu mwanayimuka aha muli mugushimbe.

Yozwe 3:6

Oku bundi Yozwè anacibwîra n’abadâhwa, erhi: «Mubarhule omucîmba gw’amalaganyo mushokolere olubaga». Banacibarhula omucîmba gw’amalaganyo, banacilîkûla, bashokolera olubaga.

Yozwe 6:6

Yozwè mugala wa Nuni erhi abà amahamagala abadâhwa, anacibabwîra, erhi: «Murôle omucîmba gw’amalaganyo, na badâhwa nda barhôle mishekera nda ya mahembe ga ngandabuzi, bajè embere ly’omucîmba gwa Nyakasane».