Yozwe 24:23 - BIBLIYA NTAGATIFU OMU MASHI

²³ Anacibabwîra, erhi: «Mukûlage ba-nyamuzinda b’ahandi bali buno omu karhî kinyu, n’emirhima yinyu muyiyêrekeze Nyakasane, Nyamuzinda w’Israheli».

Yozwe 24:23 ပူးပေါင်းရင်းမြစ်များ

1 Bâm 8:57

“Nyakasane Nyamuzinda wîrhu akaz’iyôrha ali haguma nîrhu mâshi nk’oku anali haguma na ba larha arharhulekêreraga arhanarhujandikaga”.

1 Bâm 8:58

“Ci ayêrekeze emirhima yîrhu emunda ali lyo rhushimba enjira zâge bwinjà, rhushimbe rhunalange ebinwa byâge n’amarhegeko gâge nka oku anabirhegekaga ababusi bîrhu”.

Ennanga 119:36

Omurhima gwâni ahâli h’okuhenekera ebirugu, guyêrekere emunda amarhegeko gâwe gali erhi yo.

Ennanga 141:4

Mâshi mâshi omanye wakayêrekeza omurhima gwâni emund’okubî buli, mpu gujire ebibî birhakwânînî. Ntanajaga omu bantu bajir’okubî, mpu ndye oku biryo byâbo.

Ennanga 81:10

Irhondo orhahîraga okahandîsa wundi wundi nyamuzinda omu mwâwe, orhahîraga okagashâniza nyamuzinda w’embuga.

Lubungo 20:23

Murhahîraga mukampalikanya na banyamuzinda b’amarhale, mumanye irhondo mwankaderha mpu mwacîjirira banyamuzinda b’âmasholo.

Migani 2:2

Okanarhega oburhimanya okurhwiri, onayêrekezagye omurhima ebwa makengu.

Hozeya 14:8

Bâgaluka babwarhale aha cîhôho câni, bâyêza engano yâbo, bâgwîka olukoma, lwarhengamwo amamvu minjà nka g’e Libano.

Yozwe 24:14

«Kuziga mugwâsiragwe murhînye Nyakasane, mukazimukolera kulya kunashingânîne, kunali kw’okuli; murhenze abandi ba-nyamuzinda basho ba­kazagikolera olundi lunda lw’ishiriza ly’olwîshi, n’amango bâli e Mîsiri, murhumikire Nyakasane yêne.