Yozwe 22:23 - BIBLIYA NTAGATIFU OMU MASHI

²³ “Akabà rhwacîyûbakire oluhêrero mpu rhucîhindule kuli Nyakasane, akabà rhwaluyûbakaga mpu rhukazirherekêrerakwo enterekêro z’ensirîra, enterekêro z’enkalangè, n’okujirirakwo enterekêro z’omurhûla, Nyakasane anarhuhane!”

Yozwe 22:23 ပူးပေါင်းရင်းမြစ်များ

Murhondêro 9:4

Cikwône murhalyaga enyama mukanalya n’obuzîne bwâyo, kwo kuderha omukò.

2 Nganîro 24:22

Yoash arhacikengeraga bulya buzigire Yehoyada ali amugwêrhekwo, ye oligi îshe wa nyamulêbi, anaciyîrha omugala. Oyu mulêbi erhi akola afà aderha erhi: «Nyamubâho yêne acîbonere alole kwo kurhi oku!»

Ezekiyeli 3:18

Erhi nankabwîra nyankola- maligo, nti: “Kufà wâfà”, nâwe okabula kwakâmurhonda, okabula kwakâderha lyo ohanza oyo nyankola-maligo mpu aleke olugendo lwâge lubî lyo alama, oyôla nyankola-maligo yêhe anafâna obubî bwâge, ci omukò gwâge nakulyûzegwo.

Ezekiyeli 33:6

“Ci erhi omulanzi akabona engôrho ekola eyômolîrwe ecihugo, akanabula kubûha omushekera gw’okurhonda olubaga n’erhi engôrho yankayisha ekahu­njukana muguma muli bo, nêci oyôla afîre erhi câha câge cirhuma, ci kônene omukò gw’oyu muntu nagudôsa omulanzi”.

Ezekiyeli 33:8

“Erhi nankabwîra omuntu mubî nti: We muntu mubî, okuli wâfà! erhi wankahulika okabula bwamubwîriza mpu aleke enjira yâge mbî, oyôla muntu anafà erhi câha câge cirhuma; ci kônene we nankadôsa omukò gwâge”.

Lushika 12:11

Ago mango, n’aho hantu Nyamubâho, Nyamuzinda winyu acîshoga mpu ho abêza izîno lyâge ho mwakazilêrha ngasi ebi namurhegesire byoshi: enterekêro zinyu z’embâgwa n’ezindi nterekêro, entûlo zinyu, ensholôlo z’omu nfune zinyuna ngasi binjà wâbà walaganyize Nyamubâho omu ciragâne;

Lushika 18:19

N’erhi hankajira omuntu orhayumvirhizi ebinwa byâni, oyo mulêbi aderha omu izîno lyâni, niene niene nasambîsa oyo muntu.

Yozwe 22:24

“Ci bwôba bwa ntya bwarhumire rhujira kwa bene oku: Rhwaderha nti: Abâna binyu irhondo hali amango bankabwîra abâna bîrhu mpu: Ninyu bici mujira na Nyakasane, Nyamuzinda w’Israheli?”»

1 Samweli 20:16

k’izîno lya Yônatani linakolaga lyahirigirha omu nyumpa ya Daudi? Akabà arhali ntyo, ecihango ca Nyamubâho cinakuyîrhe wâni Daudi!»