Yozwe 21:43 - BIBLIYA NTAGATIFU OMU MASHI

⁴³ Ntyo kwo Nyakasane ahîre Israheli ecihugo coshi, cirya alagaga b’îshe. Bacirhôla banaciyimamwo.

Yozwe 21:43 ပူးပေါင်းရင်းမြစ်များ

Murhondêro 12:7

Nyamubâho abonekera Abramu anacimubwîra, erhi: «Iburha lyâwe lyo nahà eci cihugo». Oku bundi Abramu ayûbakira Nyamubâho, wamubonekeraga, oluhêrero ahôla.

Murhondêro 13:15

Eco cihugo coshi wabona nakuhà co we n’iburha lyâwe, cibè cinyu ensiku zoshi.

Murhondêro 28:4

Akuhè we n’iburha lyâwe, omugisho gwa Abrahamu lyo obona eci cihugo oyubasiremwo, cihugo Nyamuzinda ahâga Abrahamu».

2 Nganîro 20:8

“Baciyûbasiragemwo banakuyûbakira aka-Nyamuzinda oku irenge ly’izîno lyâwe: omu kuderha mpu:”

Nehemiya 9:24

Abâna banaciyisha bakola bal’iyîma muli eco cihugo, embere zâbo wanacifunyâza abayûbakaga muli eco cihugo, bo: banya-Kanâni. Wanacibahira omu maboko gâbo, kuguma n’abâmi n’olubaga mpu bône babajire oku banalonzize.

Nehemiya 9:8

Wabwîne oku omurhima gwâge gubà gwa bushinganyanya embere zâwe, wanacilagâna mweshi naye oku wahà iburha lyâge ecihugo c’Abanya-Kanâni, Abahititi, Abamoreni, Abaperiziti, Abayebuseni, Abagirigashiti, wanalanzire ako kanwa kâwe bulya ôbà mushinganyanya.

Ennanga 105:8

Arhayibagira endagâno yâge ensiku n’amango, arhayibagira akanwa àfundikiraga maburhwa cihumbi.

Ennanga 44:3

Wêne erhi ôbà wamâhulusa amashanja n’okuboko kwâwe, wabayanka bôhe wàbagwika butûdu; walasa amashanja wabashagalusa bôhe.

Ennanga 78:55

Amashanja g’eco cihugo agalibirhakwo banasinza agagaba myanya-myanya gashuba birugu bàyimamwo, n’ebihando by’ago mashanja emilala y’Israheli yabishobôla.

Lubungo 3:8

Co cirhumire nayandagala nti mbalikûze omu maboko g’Abanya-Mîsiri, mbarhenzemwo eci cihugo, mbaheke omu cihugo cinjà na cigali, omu cihugo cihululamwo amarhà n’obûci, omu cihugo cibâmwo Abakanani, Abahititi, Abamoriti, Abaperiziti, Abahiviti n’Abayebusi.

Yeremiya 32:23

Bàyisha, bàyûbaka­ mwo, ci aye! barhayumvagya, barhanashimbaga amarhegeko gâwe. Barhajiraga ciru n’ehitya muli ebi wali obahûnyire., lêro banacikulilira obu buhanya rhudwîrhe rhwabona ene.

Mibalè 33:53

Mwayîma muli eco cihugo, munaciyûbake; bulya nammuhîre eco cihugo nti muciyîmemwo.

Mibalè 34:2

«Ojirhegeka bene Israheli obabwîre ntya: “Amango mwaja omu cihugo c’e Kanâni, alagi ecihugo mwagendigabânana: Co cihugo ca Kanâni, nk’oku embibi zâge zinali”.

Lushika 11:31

Nêci, mukola mwayikira Yordani, mpu mugendiyanka ecihugo Nyamubâho Nyamuzinda winyu amuhà. Mwaciyanka cibè cinyu munaciyûbakemwo.

Lushika 12:29

Eyo munda wajà, amango Nyamubâho Nyamuzinda wâwe abà amahererêkeza amashanja gâyo goshi, amanakushokolera ayisha abanyaga n’amango wâbà wamabanyaga onakola odekerîre omu cihugo câbo,

Lushika 17:14

Amango wâbà wamahika muli cirya cihugo Nyamubâho Nyamuzinda wâwe ayishikuhà, na hano ôbà wamaciyanka onakolaociyubasire, ago mango wanaderha, erhi: «Nnonzize okuyîmika omwâmi wantegeka nk’oku agandi mashanja ganzungulusire ganajira».

Lushika 34:4

Nyamubâho anacimubwîra erhi: «Olâbâge ecihugo nalaganyagya Abrahamu, Izaki na Yakôbo nababwîra nti: Nayishiciha iburha linyu. Nkuyeresire co nti ocibone n’amasù gâwe ci konene orhacihikemwo».

Yozwe 1:6

«“Ozibuhe onarhwâlihe, bulya we wagendihira olu lubaga muli cirya cihugo nalaganyagya b’îshe nti nabahà co”.

Yozwe 21:42

Ezo ngo zoshi ngasi lugo n’obulambo bwâlwo eburhambi. Ntyo kwo byanali kuli ngasi lugo.

Bacîranuzi 11:24

K’ebi nyamuzinda Kemoshi akuhâga birhabà byâwe? Nîrhu ebi Nyakasane, Nyamuzinda wîrhu arhuhâga binali bîrhu!

1 Samweli 12:8

Nêci erhi Yakôbo abà akola ali e Mîsiri, Abanya-Mîsiri barhindubuza ababusi binyu, nabo bayimbirira Nyamubâho abarhumira Mûsa na Aroni mpu babarhenze eyo, abatulire hano hantu.