3 Bene Israheli banacijà batwa oku myanya yâbo y’amashwa, banahà bene Levi, nk’oku Nyakasane anali arhegesire, engo bahîrwe n’amalambo bahîrwe byo ebi bikulikire.
Bukahera obukunizi bwâbo, bulya bwarhalusire olugero, bukahera obudârhi bwâbo, bulya bwabîre bwa bumînya. Nabagabanya muli Yakôbo, nabashandabanya muli Israheli.
Ebishagala mwahà bene Levi byoshi haguma byâbà makumi anni na munâni, kuguma n’amalambo g’okuyabulira.
Banacishambâla nabo aha Silo, omu cihugo ca Kanâni, banacibabwîra mpu: «Nyakasane arhegesire omu kanwa ka Mûsa, mpu: rhuhâbwe engo rhwakaziyûbakamwo, rhuhâbwe n’amalambo gâzo oku bishwêkwa bîrhu».
Ecigole canaciyesherwa amûko ga bene Kehati; na bene omudâhwa Aroni, muguma wa muli bene Levi, ecigole canacibahà ngo ikumi n’isharhu omu mulala gwa Yûda, omu mulala gwa Simoni n’omu mulala gwa Benyamini.
Omuganjo gwoshi gw’engo za bene Levi ba muli bene Israheli: ngo makumi anni na munâni n’amalambo gâzo.