Yozwe 19:10 - BIBLIYA NTAGATIFU OMU MASHI

¹⁰ Ecigole ca kasharhu cayesherwa bene Zabuloni, nk’oku amûko gâbo ganali; olubibi lw’omwanya gwâbo lwàli luhisire e Saridi.

Yozwe 19:10 ပူးပေါင်းရင်းမြစ်များ

Murhondêro 35:23

Bene Lea: Rubeni yo nfula ya Yakôbo, Simoni, Levi, Yûda, Isakari na Zabuloni.

Murhondêro 49:13

Zabuloni ayûbasire oku burhambi bw’enyanja, hala amârho gasîka; lubibi na Sidoni.

Ezekiyeli 48:26

Kujà oku lubibi lwa Isakari, kurhenga olunda lw’ebuzûka­ zûba kujà olunda lw’ebuzika-zûba, mwanya gwa Zabuloni.

Yozwe 18:11

Ecigole cayesheragwa omulala gwa bene Benyamini nka kulya amûko gâbo ganali. Eco cigole cayeshagwa obw’oburhanzi cinabagwârha carhuma bahâbwa ecihugo càli ekarhî ka bene Yûda na bene Yozefu.

Yozwe 18:6

Moyo mugendilola kurhi eco cihugo ciyôsire na kurhi cankagabwa­mwo bigabi nda, kandi mwanayisha hanôla, mwanambwîra kurhi biri, nâni nanabagabiraco omu kubayeshera ecigole embere za Nyakasane, Nyamuzinda wîrhu.

Yozwe 19:11

Olubibi lwâbo lwàli kurhenga ebuzika-zûba olunda lw’e Mareala, lwahika kuli Dabesheti, lwahika oku mugezi guli olunda lw’e buzûka-zûba lwa Yokeneami.

Yozwe 19:9

Omwanya gwa bene Simoni gwakûlwa oku cigabi ca bene Yûda; bulya ecigabi ca bene Yûda càli cigali bwenêne kuli bo, na ntyo bene Simoni bahâbwa omwanya gwâbo ekarhî k’omwanya gwa bene Yûda.