Yozwe 18:8 - BIBLIYA NTAGATIFU OMU MASHI

⁸ Abo bantu banacihuma enjira yâbo bakola bagenda, n’ago mango bagendaga, abarhegeka kurhi bajà balolêreza ecihugo, anacibabwîra erhi: «Mugende, mugere omu cihugo coshi, mujè mwalola kurhi ciyôsire, na kandi mwashubigaluka eno munda ndi, mumbwîre, nâni nanayesha ecigole kuli mwe, e­ mbêre za Nyakasane, hano Silo».

Yozwe 18:8 ပူးပေါင်းရင်းမြစ်များ

Murhondêro 13:17

Yimuka! orhandagire eci cihugo omu buli n’omu bugali, bulya co nakuhà».

Izaya 34:17

Yêne ye wayesheraga ngasi muguma ecigole, na kuboko kwâge kwazigereraga n’okuzigabira ecihugo. Zacirya emyâka n’emyâka, bânacîberemwo kurhenga oku ihurha kujà oku lindi.

Barom 14:19

Kuziga kukwânîne rhushimbûlire ebilêrha omurhûla n’ebyankarhabâla abirhu.

Yozwe 13:7

Na buno ogabe eco cihugo myanya myanya oku milala mwenda ya bene Israheli, na kwa cirya cindi cihi­mbî ca bene Menashè.

Yozwe 15:1

Ecigole canacihêka omulala gwa Yûda n’amûko gâgwo omu cihugo c’Edomi, kuhika oku irungu lya Sini olunda lw’e mukondwè, oku buzinda bw’ecihugo ca Kanâni ebuzûka-zûba.

Yozwe 18:1

Olubaga lwa bene Israheli loshi lwanacibugânana aha Silo, banacigwîkamwo ihêma lyâbo ly’embugânano, erhi ecihugo coshi cikola ciri câbo.

Yozwe 18:10

Yozwè anaciyêsha ecigole kuli bo aha Silo embere za Nyakasane, n’ago mango, Yozwè anacigabira bene Israheli ecihugo nk’oku banali bagabanyikine.

Yozwe 18:6

Moyo mugendilola kurhi eco cihugo ciyôsire na kurhi cankagabwa­mwo bigabi nda, kandi mwanayisha hanôla, mwanambwîra kurhi biri, nâni nanabagabiraco omu kubayeshera ecigole embere za Nyakasane, Nyamuzinda wîrhu.

Yozwe 18:9

Abo bantu banacikanya, bajà balola kurhi ecihugo ciyôsire kwoshi, n’ebi bajaga babona bakazibiyandika omu citabu, nk’oku engo zanali na kurhi zankagabwamwo bihimbi nda. Bashûbûka, bâna­cija emunda Yozwè ali omu cihando aha Silo.

1 Samweli 14:41

Saulu anacibwîra Nyamubâho, erhi: «Nyamuzinda w’Israheli wênene oyêrekanage okushingânîne!» Yônatani na Saulu banacigwârhwa, n’olubaga lwasigala embuga.