Yozwe 14:9 - BIBLIYA NTAGATIFU OMU MASHI

⁹ “Na muli olo lusiku, Mûsa ajira endahiro”, erhi: “Okunali ecihugo wabanzire­ mwo okugulu câbà câwe we n’iburha lyâwe, ensiku zoshi, ebwa kubà washimbûlîre bwinjà Nyakasane, Nyamuzinda wâni”.

Yozwe 14:9 ပူးပေါင်းရင်းမြစ်များ

Ennanga 37:9

Bulyâla enkola-maligo kuhera zâhere abacîkubagira Nnâmahanga bôhe bo bayish’irya igulu.

Mibalè 13:22

Basôka omu Nêgebu, bahika cingana e Hebroni, emunda Akimani, Sheshayi na Talmayi, bene Anaki bayûbakaga. Hebroni ayûbakagwa myâka nda embere lya Sowani w’e Mîsiri.

Lushika 1:36

Aha nyurna lya Kalebu, mugala wa Yefunè: yeki wacibona nanayishimuhà bon’abâna bâge ecihugo alabasiremwo, kulya kubà àshimbulîre enjira za Nyamubâho buzira bulenzi».

Lushika 11:24

Ngasi abà mwakanahira olushando erhi hanakola aha kwinyu, olubibi lwinyu lunali kurhenga oku irungu kuhika e Libano, kurhenga oku lwîshi, olwîshi lwa Efurata, kuhika oku nyanja y’e Buzikiro bw’izûba, lyo ishwa linyu eryo.

Yozwe 1:3

“Ngasi ah’okugulu kwinyu kwankanalabarha hoshi nanamuhà ho nk’oku nanalaganyagya Mûsa”.

Yozwe 14:10

“Na buno lolaga oku Nyakasane, ampîre akalamo, nk’oku anaderhaga, hamagera myâka makumi anni n’irhanu kurhenga Nyakasane ali abwîzire Mûsa ako kanwa, n’ago mango erhi Israheli ayisha agenda omw’irungu, na buno lolaga oku nkola ngwêrhe myâka makumi galimunani n’irhanu ndi mbusirwe”.

Bacîranuzi 1:20

Hebroni banacimuhà Kalebu nk’oku Mûsa anali adesire, naye akungushamwo balya bagala basharhu n’Anaki.