Yozwe 11:2 - BIBLIYA NTAGATIFU OMU MASHI

² mw’abâmi bali olunda lw’e mwênè, omu ntondo, n’omu Araba, aha ishiriza lya Kinereti, omu cihugo c’e kabanda, n’omu birhondo bya Dori olunda lw’ebuzika-zûba,

Yozwe 11:2 ပူးပေါင်းရင်းမြစ်များ

1 Bâm 15:20

Ben-Hadadi ayumva mwâmi Asa, anacirhuma abarhambo b’engabo yâge mpu bagend’inyaga ebishagala by’Israheli; anacihagula Iyoni, Dani, Abel-Bet-Maaka na Kinereti yêshi haguma n’ecihugo ca Nefutali coshi.

1 Bâm 4:11

Bene-Abinadabu ali arhegesire entambirhambi z’e Dori; mukâge ye wali Tafata, mwâli wa Salomoni.

Mibalè 34:11

“Olwo lubibi lwanabunguluka kurhenga e Sefami kujà e Harbela ebuzûka-zûba bwa Ayini, lwanayandagala lugere burhambirhambi omu rhurhondo rhuli eburhambi bw’enyanja ya Kinereti olunda lw’ebuzûka-zûba”.

Luka 1:39

Muli ezo nsiku, Mariya ayimuka, akanya, aj’ebwa bishagala by’omu ntondo, omu murhundu gwa Yûda.

Luka 5:1

Lêro lusiku luguma erhi olubaga lumulundûkîre mpu luyumve oluderho lwa Nnâmahanga, erhi naye ayîmanzire eburhambi bw’enyanja y’e Jenezareti,

Yozwe 10:40

Yozwè ahêka ecihugo coshi kalêgêrha: entondo, Nêgebu, ecihugo càli omu kabanda, ebihugo by’omu marhambi, byoshi abisherêza n’abâmi bâbyo, buzira kuleka ciru n’omuguma wafulumuka, ajà aherêrekeza ntyo ngasi hyànali hya buzîne hyoshi nka kulya Nyakasane, Nyamuzinda w’Israheli anali arhegesire.

Yozwe 10:6

Balya bantu b’e Gabaoni banacirhuma entumwa emunda Yozwè ali omu cihando câge aha Gilgala, mpu bajimubwîra, erhi: «Orhalikiriraga abarhumisi bâwe mâshi, osôkere duba eno mwîrhu, orhulîkûze, orhurhabâle, ebwa kubà abâmi b’e Amoriti, abayûbaka ebwa ntondo, boshi bacîhizire baguma mpu barhulwîse».

Yozwe 11:16

Kwo Yozwè arhôlaga eco cihugo coshi ntyo; arhôla entondo, arhôla Nêgebu yêshi arhôla ecihugo ca Gosheni coshi, ecihugo cibà idako, ecihugo ca Araba, ec’oku ntondo y’Israheli n’orhubanda rhwâge.

Yozwe 11:21

Muli ago mango gonênè, Yozwè anaciyimuka, anacimalîra bene Anaki bayûbakaga omu ntondo, abayûbakaga e Hebroni, abayûbakaga e Debiri n’ab’e Anabi; amalîra abâli oku ntondo ya Yûda yoshi n’abâli oku ntondo y’Israheli yoshi. Yozwè abaherêrekeza n’engo zâbo zoshi.

Yozwe 12:23

omwâmi w’e Dori, omu nyanya, muguma; omwâmi w’abanya-Galileya, muguma;

Yozwe 12:3

omu Araba, kuhika eburhambi bw’e buzûka-zûba bw’enyanja ya Kinereti, kuhika oku burhambi bw’e buzûka-zûba bw’enyanja y’Araba, enyanja y’Omunyu, olunda lwa Bet-ha-Yeshimoti; n’olunda lw’e mukondwè omu marhambi g’entondo ya Pisga.

Yozwe 13:27

N’omu kabà­nda ka Bet-Harami, Beti-Nimra, Sukoti na Safoni, musigala gw’obwâmi bwa Sihoni, mwâmi w’e Hesboni; Yordani n’ecihugo câge, kuhika oku buzinda bw’enyanja ya Kinereti, olunda lw’e buzûka-zûba lwa Yordani. Gwo mwanya gwâbo ogwo.

Yozwe 17:11

Menashè ahâbwa ntyo ecihugo ekarhî ka Isakari n’Aseri: aligi Beti-Sheana n’emirhundu yâge, Iblami n’emirhundu yâge, abantu b’aha Dori n’engo zàli kuli ye, abantu bayûbaka aha Eyin-Dori n’emirhundu yâge, abantu bayûbaka aha Tanaka n’emirhundu yâge, abantu bayûbaka aha Megido n’emirhundu yâge: rhwaligi rhurhondo rhusharhu.

Bacîranuzi 1:27

Menashè erhahashaga okuhima Beti-Sheani n’emirhundu yâge, ciru n’oli Tanaka n’emirhundu yâge, ciru n’oli Dori n’emirhundu yâge, ciru n’abantu bayûbakaga e Ibleami n’omu mirhundu yâge, arhahashigihima abantu b’e Megido n’emirhundu yâbo; Abanya-Kanâni banazibuha mpu babêra omwo cihugo