Yozwe 11:14 - BIBLIYA NTAGATIFU OMU MASHI

¹⁴ Ebyanyagagwa muli ezo ngo zoshi, n’ebishwêkwa byâbo byoshi, bene Israheli bacînyagirabyo; ci bageza abantu boshi oku bwôji bw’engôrho, kuhika babamalîra boshi, buzira kuleka ciru n’omuguma wayisa omûka.

Yozwe 11:14 ပူးပေါင်းရင်းမြစ်များ

2 Nganîro 20:25

Yozafati n’olubaga lwâge bakanya bagendihagula eminyago yâbo bashimâna amagâle manji, emifù n’ebirugu by’engulo ndârhi, basabunga bashana emizigo yâbo; bajira nsiku isharhu erhi basabunga omunyago bulya gwàli munji.

Mibalè 31:9

Bene Israheli bayisha badwîrhe mpira abakazi b’e Madiani n’abâna bâbo barhò; bahagula, banyaga na ngasi bishwêkwa byâbo bya okukazikola na ngasi gandi masô gâbo n’ebindi birugu byâbo byoshi.

Lushika 20:14

Ci kwône abakazi, abâna, ebintu, ngasi hyoshi hiri omu lugo, ngasi ehi banyazire byoshi, onabiyanke, gwo gwâwe munyago. Olye n’omunyago gw’ababisha bâwe, Nyamubâho, Nyamuzinda wâwe okufumbisirebo.

Lushika 20:16

Ci kwône emirhundu y’aga mashanja Nyamubâho, Nyamuzinda wâwe akuhîre mpu kwo kashambala kâwe, orhasigagamwo ehiyîsa omûka.

Yozwe 10:40

Yozwè ahêka ecihugo coshi kalêgêrha: entondo, Nêgebu, ecihugo càli omu kabanda, ebihugo by’omu marhambi, byoshi abisherêza n’abâmi bâbyo, buzira kuleka ciru n’omuguma wafulumuka, ajà aherêrekeza ntyo ngasi hyànali hya buzîne hyoshi nka kulya Nyakasane, Nyamuzinda w’Israheli anali arhegesire.

Yozwe 11:11

Bene Israheli banigûza ngasi hya bunya-mûka hyanabagamwo hyoshi, bulya bali bagwâsirwe baherêrekere, barhasigalagamwo ehizîne, banaciyoca Hasori.

Yozwe 11:13

Ci Israheli arhayôcagya olugo ciru n’oluguma muli zirya ngo zàli nyûbake oku rhurhondo, oyo Hasori yêne adûlisire muliro.

Yozwe 11:15

Oku Nyakasane ali arhegesire omurhumisi wâge Mûsa, kwo naye Mûsa arhegesire Yozwè na Yozwè akujira loshi; arhaderhaga mpu alekêrera kantu kalebe muli kulya Nyakasane anali arhegesire Mûsa.

Yozwe 8:2

Ojirire Ayi n’omwâmi wâge ebiri nka birya wakoleraga Yeriko n’omwâmi wâge; ci konene mwahagula yo eminyago n’ebishwêkwa bibè binyu. Olwo lugo oluhirire omurhego olunda lw’ebuzûka-zûba».

Yozwe 8:27

Bene Israheli banyaga ebishwêkwa byâbo, n’eyindi minyago y’omu lugo nk’oku Nyakasane àli arhegesire Yozwè.