Yozwe 10:20 - BIBLIYA NTAGATIFU OMU MASHI

²⁰ Erhi Yozwè na bene Israheli bayûsa okubahima okurhasagibonekana, babamalîra; n’abashugunusire bayâkira omu bishagala byàli biyûbake buzibuzibu.

Yozwe 10:20 ပူးပေါင်းရင်းမြစ်များ

2 Samweli 20:6

Okubundi Daudi anacibwîra Abishayi, erhi: «Sheba mwene Bikiri yekôla muzibu kulusha Absalomu. W’oyo orhôle engabo ya Nnawinyu, okanye omushimbûlire oku arhacihika omu mirhundu mizibuzibu na ntyo obone amarhufuma.»

1 Bâm 20:21

Mwâmi w’Israheli ahuluka omu lugo lwâge, anyaga ebihêsi n’engâlè, na ntyo ahima abanya-Sîriya bwenêne.

2 Nganîro 13:17

Abiya n’olubaga lwâge babahima okurhankaderhwa, n’abafîre omu bene Israheli bahika omu bantu bihumbi magana arhanu ga bantu b’e ntwâli.

Yeremiya 4:5

Mugumanyise omu ca Yûda, guyumvikane omu Yeruzalemu, mubûhe omushekera omu cihugo, muyakûze n’izù linene, erhi: «mweshi mubugânane»! rhujè omu bishagala biyûbakire.

Yeremiya 8:14

Cirhumirage rhutamire, rhufîremwo obûla Nyakasane Nyamuzinda wîrhu yêne orhuyîsire ye narhunywesize amîshi mahereke, erhi mabî rhwamujirîre garhuma.

Lushika 20:16

Ci kwône emirhundu y’aga mashanja Nyamubâho, Nyamuzinda wâwe akuhîre mpu kwo kashambala kâwe, orhasigagamwo ehiyîsa omûka.

Yozwe 10:10

Nyakasane anacibahondakwo akavango embere za bene Israheli; bene Israheli babahima bwenêne, babahimira okurhasagibonekana aha Gabaoni, banacibaminika omu njira esôkîre e Beti-Horoni, babahima kuhika aha Azeka na kuhika aha Makeda.

Yozwe 10:19

Ci moyo murhayimangaga, mushimbûlire abashombanyi binyu, munigûze abanazinzire e­nyuma boshi, murhazigaga bajà omu lugo lwâbo, ebwa kubà Nyakasane, Nyamuzinda winyu anabahizire omu maboko ginyu.»

Yozwe 10:21

Olubaga loshi lwashubira oku cihando buzira kadundo kaci emunda Yozwè ali aha Makeda. Ntâye ciru n’omuguma wadesire mpu amalemalira ciru ekanwa omu bene Israheli.

Yozwe 11:12

Yozwè arhôla engo z’abo bâmi boshi, agwârha n’abâmi bazo hoshi, anacibageza oku bwôji bw’engôrho, abaherêrekeza nka kulya Mûsa anali arhegesire, ye murhumisi wa Nyakasane.

Yozwe 11:8

Nyakasane anacibahà bene Israheli, babahima, babaminika kuhika aha Sidoni-Munene, na kuhika aha Misirefoti w’e­ buzika-zûba kuhika omu kabanda ka Mispe olunda lw’e buzûka-zûba, babanigûza boshi na ntâye ciru n’omuguma wabafumiremwo.

Yozwe 8:24

Erhi Israheli ayusinigûza abantu b’e Ayi omu mpinga, omw’irungu, erya munda bali bashimbire, n’erhi babà bamanigûza kuhika oku wa buzinda, bamabageza oku boji bw’engôrho, ­Israheli yêshi acîyongobeka muli Ayi, amugeza oku hoji bw’engôrho.