Yozwe 1:15 - BIBLIYA NTAGATIFU OMU MASHI

¹⁵ Kuhika Nyakasane ahè abo bene winyu nabo okuluhûka nk’oku anabahà kwo, na kuhika nabo bayûbake bwinjà cirya cihugo abahà Nyamubâho, Nyamuzinda winyu. Enyuma z’aho mwanabaga lyo mugaluka mushubire muli cirya cihugo cinyu munaciyûbake, cirya cihugo. Mûsa, omurhumisi wa Nyakasane amuhâga olunda lw’erindi ishiriza lya Yordani, e buzûka-zûba».

Yozwe 1:15 ပူးပေါင်းရင်းမြစ်များ

1 Bakorinti 12:26

Cirumbu ciguma cikababala, ebindi birumbu byoshi binababale bo naco. Cirumbu ciguma cikaja irenge, ebirumbu byoshi binashagaluke haguma naco.

1 Bakorinti 13:5

obuzigire burhajira akantu karhakwânîni, burhacîlongeza, burhaba burhè, burhanabîka mujina.

Bagalasiya 5:13

Mwêhe, bene wîrhu, mwahamagîrwe mpu mubè ntagengwa. Ci mumanye okwo kubà ntagengwa kurhabâga igwârhiro ly’okushimbulira amasîma g’omu­biri; ci ngasi muguma akarhumikira abâbo omu buzigire.

Bagalasiya 6:2

Ngasi muguma abarhule omuzigo gw’owâbo, na ntyo mwayunjuza irhegeko lya Kristu.

Lushika 3:18

Namuhà eri irhegeko ago mango, nti: Nyamubâho Nyamuzinda winyu amuhîre eci cihugo mpu cibè cinyu; mwe balwî mweshi, murhôle emirasano yinyu mushokolere bene winyu Bene Israheli;

Lushika 3:20

kuhika Nyamubâho ashobôze bene winyu nabo nk’oku amujirîre mwoyo, kuhika nabo barhinde muli birya bihugo Nyamubâho, Nyamuzinda winyu amuhîre erindi ishiriza lya Yordani. Enyuma z’aho, mwanashubira omu mashwa ginyu namuhâga.

Lushika 9:1

Yumva Israheli. Woyo okolaga wayikira Yordani ene, okola wagendiyîmûla amashanja manene na mazibu kukulusha, okolawayanka emirhundu minene, miyûbakire n’ebyôgo byâyo bihisire omu nkuba-karhî.

Bafilipi 2:4

Murhakâg’ilonza ngasi muguma obunguke bwâge yêne, ci ngasi muntu akâlonza obunguke bw’abandi.

Yozwe 1:1

Erhi Mûsa, murhumisi wa Nyakasane àyûsifà, Nyakasane anacibwîra Yozwè, mugala wa Nuni na murhumisi wa Mûsa, erhi:

Yozwe 1:14

Bakinywi, abâna binyu barhôrhô, n’ebishwêkwa binyu, ebyo byoshi byâbêra omûla cihugo Mûsa amuhîre olu lundi lunda lwa Yordani. Ci konene moyo, muyikire n’emirasano yinyu, mugende oku matabâro, mushokolere bene winyu, mweshi, ntwâli; mujibarhabala.

Yozwe 1:16

Banacishuza Yozwè muli ebi binwa, mpu: «Okwo orhurhegesire koshi rhwakujira na ngasi aha wankarhurhuma hoshi rhwahaja».

Yozwe 22:1

Okubundi, Yozwè anacihamagala bene Rubeni, bene Gadi na balya b’ecihimbi c’omulala gwa Menashè, anacibabwîra, erhi: