Yoweli 3:5 - BIBLIYA NTAGATIFU OMU MASHI

⁵ “Ngasi yêshi wâshenge izîno lya Nyakasane, oyo ye wananafulumuke. Nk’oku Nyakasane aderhaga, oku ntondo ya Siyoni kwabà abafulumusire, n’aha Yeruzalemu habà abà Nyakasane ahamagalire okulama”».

Yoweli 3:5 ပူးပေါင်းရင်းမြစ်များ

2 Bâm 12:18

Lêro mw’ago mango Hazaheli, mwâmi w’e Sîriya, anaciyisha arhabîre, akoza entambala aha Gati anahanyaga. Hazaheli acîrheganya okurhêra Yeruzalemu.

2 Bâm 16:8

Akazi anaciyanka enfaranga n’amasholo gali omu ka-Nyamuzinda kuguma n’ezali omu mbîko omu nyumpa ya mwâmi, abirhuma nka luhembo emw’omwâmi w’e Asîriya.

2 Bâm 24:13

Ahôla, asâbunga obuhirhi boshi bwa aka-Nyamuzinda, kuguma n’obuhirhi bw’omu bwâmi, avunyungula birya birugu by’amasholo, Salomoni mwâmi w’Israheli ali amâhira omu ka-Nyamuzinda nka kulya Nyamubâho anali adesire.

Izaya 11:11

Mw’olwo lusiku, Nyakasane ayash’ilambula okuboko, mpu lyo alîkûza abasigîre bw’omu lubaga lwâge; balya bâge bacisigîre omu Asîriya n’omu Mîsiri, omu Patrosi n’omu Kushi n’omu Elamu, omu Sinazi n’omu Hamati n’omu birhwa by’enyanja,

Yeremiya 23:7

Lâbaga oku ensiku ziyishire, Kanwa ka Nyakasane mulizo barhakaciderha, mpu: «azîne Nyakasane owayinamulaga Bene-Israheli kurhenga omu cihugo c’e Mîsiri».

Yeremiya 50:28

Yumvi olubî abayasire abo, abafulumusire e Babiloni, badwîrhe omwanzi e Siyoni, mpu: Nyakasane Nyamuzinda wîrhu anacîhôzire, anacîhôlîre aka-Nyamuzinda kâge katagatîfu.

Yeremiya 51:11

Hagiki ebisonga binyu. Nyakasane amâzûsa oburhè bw’abâmi b’Abamedi, bulya ahizire mpu kuhika ashâbe Babiloni. Lwihôlo lwa Nyakasane olwo. Lwihôlo lw’aka-Nyamuzinda kâge. Murhyâze emyampi yinyu, muyibumbe emirhamà.

Ezekiyeli 37:12

Co cirhumire ojilêba obabwîre erhi: Ntya kwo adesire Nyakasane Nyamubâho: Loli oku nkola nafunula enshi­nda zinyu, nâshubimukûla muli ezôla nshinda zinyu, wâni lubaga lwâni, namushubiza omu cihugo c’Israheli.

Daniyeli 11:38

Ci kwônene agend’ikuza nyamuzinda w’omu nyumpa nzibunzibu aha anabêra; ali nyamuzinda oyu ababusi bâge barhayishigi, akaz’imukuza n’amasholo, n’amarhale n’amabuye g’engulo ndârhi n’ezindi njuma nyinjinjà.

Abudiya 1:17

Ci kwône oku ntondo ya Siyoni kwayishibà abàfumire, hayishibà hanlu hatagatîfu, n’enyumpa ya Yakôbo yâyishinyaga abàyinyazire!