Yoweli 2:23 - BIBLIYA NTAGATIFU OMU MASHI

²³ Ninyu, mwe bantu b’e Siyoni, shamambiri n’omwîshingo, musîme muli Nyakasane, bulya obushinganyanya bwâge burhumire, ammuhîre e­nkuba, aniesize enkuba mpangûka omu mango gâyo, nk’oku byànalî burhanzi.

Yoweli 2:23 ပူးပေါင်းရင်းမြစ်များ

1 Bâm 8:36

Yâgirwa n’omu malunga onababalire ebyâha bya bambali bâwe n’eby’olubaga lwâwe lw’Israheli, onabayigîrize enjira nyinjà bakwânîne okushimba ovâmulire enkuba yâwe oku idaho eri wahâga olubaga lwâwe mpu luliyîmemwo.

Ayubu 33:23

Muli ago mango erhi hankayisha malahika, mufungizi muguma okûzirwe omu cihumbi, owankabwiriza omuntu ebi akwânîne okujira.

Ayubu 37:13

Hali amango eyisha eri hana abantu, nîsi erhi elerhe aminjà g’enkuba.

Ennanga 104:34

Ebinwa byâni bimununire mâshi: nânacîzigiriza muli Nyakasane.

Ennanga 147:8

Amalunga anagabwîkire n’ebitù, arheganyize idaho enkuba, ameze obwâsi oku ntondo

Ennanga 149:2

Israheli ashagalukire Nnâmahanga Mulemi wâge, abâna b’e Siyoni bacîtakîrire omwâmi wâbo.

Ennanga 28:7

Nyakasane ye buzibu bwâni ye na mpenzi yâni! Yêne omurhima gwâni gwàli gucîkubagire ananyumva.

Ennanga 32:11

Mwe bashinganyanya musîme munacîzigirize muli Nyakasane; muzuruke mwe b’omurhima gushongwîre.

Ennanga 84:6

Iragi lyâge omuntu orhabâlwa nâwe, amango agwêrhe omulâli gw’olugendo lutagatîfu.

Migani 16:15

Oyu obusù bwa mwâmi bwashekera erhi amâlama, n’olukogo lwâge kwo luyôrha nka nkuba ezinda nyuma.

Izaya 30:21

Amarhwîri gâwe gânayumve baderha omu nyuma zâwe, mpu: «Eyi yo njira, muyishimbe, abè ebwa kulyo erhi ebwa kumosho!»

Izaya 30:23

Akuniêkeza enkuba oku mburho wânarhwêre omu idaho; ebiryo byânarhenge omu budaka byaluga binanune; mw’olwo lusiku, amasò gâwe ganayabukire omu kahasi kagali.

Izaya 41:16

Wâyerûlarho, empûsi erhuyehûkane, ecihûsi carhushandabanya. Ci wêhe wacîshingira Nyakasane, wakuzibwa n’Omutagatîfu w’Israheli.

Izaya 61:10

Ndwîrhe nacîshinga muli Nyakasane, omurhima gwâni gwamârhwangûka muli Nyamuzinda wâni, bulya anyambisize emyenda y’obucire, ampundikira ecishûli c’obushinganyanya, nka kula omuhya-mulume ayambala ishungwè, na nka kula omuhya ajagalira emyambalo yâge.

Yeremiya 3:3

Enkuba mpangûka erhacihangûkaga, n’enkuba nzinda erhacibonekaga. Amasù gâwe gakola gayôrha nka ga mbaraga, garhacibamwo lugwegwe.

Yeremiya 5:24

Barhacijaga emurhima bakaderha mpu Nyakasane Nyamuzinda wîrhu, rhumurhinye, ye niêsa enkuba mpangûka n’enzinda, nk’oku amango gâyo ganali, Ye rhuhisa oku migobe yêne ayimanzagya y’okusârûla.

Ndûlù 4:2

Abâna b’e Siyoni, abayumananaga n’amasholo oku bwinjà, kurhi lêro ba­nkagereragwa oku nyungu buyungu y’ebidaka?

Ezekiyeli 34:26

“Nâbajira boshi, kuguma n’àbà­ bali eburhambi, babè mugisho; nâkaz’ibaniekeza enkuba amango gakwânîne, zâbà nkuba za mugisho”.

Hozeya 6:3

Rhumanyîrire Nyamuzinda, rhumulongereze, okuli rhwâmubona, âyisha emwîrhu nka lumè, nka kula enkuba mpangûka ebombêza idaho.

Ben Levi 26:4

Amashwa ganayeramwo emburho zâgwo, n’emirhi eyânekwo amalehe gâyo.

Amosi 4:7

Nammuyîmire enkuba erhi kucisigire myêzi isharhu musarûle, naniêsa e­nkuba oku lugo naleka n’olundi, ishwa lirebe lyaniamwo enkuba, na lirebe lyàyûma lirya ntayiniêsagyamwo.

Zakariya 10:1

Hûni Nyakasane enkuba amango g’empondo nzindazinda: Kali ye wajiraga emilazô ye nalêrha enkuba: ammuhà enkuba nyinji anana­ze ishwa lya ngasi muguma muli mwe.

Zakariya 10:7

Abantu b’omu Efrayimu bâcîyêrekana bazibu nka barhabâzi, ba nsha­gali nk’abanywîre oku mamvu. Abâna bâbo bayish’ikâlola n’amasù g’obusîme, n’omurhima gwâbo guyunjule mwishingo erhi Nyakasane orhumire.

Zakariya 9:13

Nêci, nâgoka omuherho gwâni: Yûda na Efrayimu bo bâhinduka itumu lyâni. Nankoze abâna ba Siyoni kuli bene Yavani, nakujira ngôrho ya ntwâli.

Zakariya 9:9

We munyere w’e Siyoni, ocîshinge n’emisî yâwe yoshi: nâwe we munyere w’e Yeruzalemu, obande empûndu y’omwîshingo. Lolà oku mwâmi wâwe ayishire emunda oli, mutûdu na muhimanyi, ashonyire oku ndogomi, oku mucûkà gwa ndogomi, mucûkà gwa ndogomi-kazi.

Ebijiro 14:17

ci, ntà mango alesire okucîmanyisa omu kujirira abantu aminjà omu kurhumira abantu enkuba y’emalunga n’amango emyâka eyêramwo, n’omu kummuyigusa ebiryo n’amasîma».

Lushika 11:14

ecihugo cinyu nacihà enkuba amango gakwânîne, enkuba mpangûka n’enkuba y’oku lugaze, na ntyo wanahaka engano yâwe, erivayi lyâwe n’amavurha gâwe.

Lushika 28:12

Nyamuzinda akuhakûlira omuhako gwâge ahakamwo ebinja, amalungu mpu garhengemwo enkuba yabombêza idaho lyâwe amango gakwânîne, anagishe emirimo yâwe yoshi. Mashanja manji gayishikazikuhuna mpu ogahoze ci wêhe orhakajà emwâbo mpu olihoza.

Lushika 32:2

Ihano lyâni lihone nka nkuba, akanwa naderha karhoge nka lumè, nka hishîshîrha oku hyâsi, nka cihonzi oku musihe.

Bafilipi 3:1

Nêci, bene wîrhu, mucîshinge muli Nyakasane. Okushub’immuyandikira ebinarhanzir’immubwîra kurhantamya, na kuli mwe kugwêrhe akamalo.

Bafilipi 3:3

Kali rhwe bakembûle b’okunali, rhwe rhushenga Nnâmahanga muli Mûka gwâge Mutagatîfu, n’obukuze bwîrhu muli Yezu Kristu rhubulongeza, ci rhurhacîkubagira mubiri.

Bafilipi 4:4

Mucîshinge muli Nyakasane ngasi mango. Nshubir’immubwîrakwo: mucîshinge.