Yoweli 2:22 - BIBLIYA NTAGATIFU OMU MASHI

²² Ninyu, mwe nsimba z’erubala, murhaciyôbohaga, obuhasi bwamezire, emirhi yayanyire amalehe, emizêti n’emizâbîbu bijagalîre malehe.

Yoweli 2:22 ပူးပေါင်းရင်းမြစ်များ

Murhondêro 4:12

Erhi okacihinga obudaka burhakacikuyerera bici, wâbà kahûkà, wajà wayêrûka omu igulu».

Ennanga 36:6

Yâgirwa wêhe olukogo lwâwe luhisire oku nkuba, oburhabêsha bwâwe buhumire oku bitù.

Ennanga 65:12

Omwâka waguhîre aminjà gâwe: aha wagera erhi na mugisho.

Ennanga 65:13

Amalambo g’omu irungu kuhulula gahulula migezi, n’entondo omwîshingo gwazizonzire.

Ennanga 67:6

lgulu lyoshi likukuze linakuvuge omunkwa, Yâgirwa Nnâmahanga; igulu lyoshi likukuze linakuvuge omunkwa.

Izaya 51:3

Nêci, Nyakasane ababalîre Siyoni, ababalîre ebigûkà byâge byoshi. Irungu lyâge alijira aka Edeni, n’idaho lyûmu alihindula ishwa lya Nyakasane. Bâbonamwo obushagaluke n’amasîma; bâkaz’ivugiramwo omunkwa n’okuzihiramwo ennanga.

Ezekiyeli 36:30

Nâluza amalehe g’oku mirhi n’emburho z’omu mashwa, ntyo murhacikabone enshonyi z’ecizombo omu karhî k’amashanja.

Ezekiyeli 36:35

Bakaz’iderha mpu: Ecihugo càli cikola bwâmwa lêro cikola nka busâne bw’e Edeni, mpu n’engo zàli zamâshabûlwa zananyagwa n’okuhenangulwa, lêro zikola hantu hayûbake.

Ezekiyeli 36:8

Ninyu wâni ntondo z’Israheli, mwashabuka munaleheke mulîse olubaga lwâni Israheli; bulya bali hôfi bayishe.

Yônà 4:11

Nâni nie obwînage oku ntankafà mungo kuli Ninive, ecishagala cinene cirimwo bihumbi igana na makumi abirhi, ciru na kulusha, ga bantu barhishi okulyo kwâbo, barhishi okulembe kwâbo, cirimwo n’obusò bw’ebintu!»

Haggeyo 2:16

kurhi mwaliyôsire? Mwakâgiyisha mpu mulishamarha mirengo makumi abirhi, lêro mwakàshimâna liri ikumi lyône; mwakàyisha aha mukenzi mpu muhongole ndaha makumi arhanu, lêro mwâkashimâna gali makumi abirhi gône.

Zakariya 8:12

Nabadubulirakwo omurhûla: emirhi yayâna emizâbîbu, obudaka bwayêra emhurho, enkuba yârhoga nyinji bwenêne emalunga. Ago minjà goshi nâgashobôza omusigala gw’olubaga lwâni.

1 Bakorinti 3:7

N’ohinga arhali cici, n’odômera kwo na kwo, ci okuza emburho yêne Nyamuzinda.