Yoweli 2:16 - BIBLIYA NTAGATIFU OMU MASHI

¹⁶ Muhamagale abantu, mulêrhe engabo yoshi, mulâlike olubaga. Muhamagale abashosi, mulêrhe abâna bacìri oku ibêre lya bannina. Omu­ hya-mulume ahuluke omu mwâge, n’omuhya w’emiramba arhenge omu kâ-buhya, boshî bazûke, bayìshe.

Yoweli 2:16 ပူးပေါင်းရင်းမြစ်များ

2 Nganîro 20:13

Bene Yûda boshi bali bayimanzire embere za Nyamubâho, haguma n’abâna bâbo barhò, haguma na bakâbo, haguma na bagala bâbo.

2 Nganîro 29:5

anacibabwîra erhi: «Munyumve nâni baleviti! mucîcêse munagendicêsa aka-Nyamubâho, Nyamuzinda wa basho, munarhenze omu hantu hatagatîfu, ngasi bigalugalu byoshi.

2 Nganîro 30:17

Ebwa kubà omu mbugânano mwâli bantu banji barhali basâgicîcêsa, abaleviti barhegekwa okurherekêra enterekêro za Basâka kuli abôla barhali bacîcêsize, lyo babarherekêra emwa Nyamubâho.

2 Nganîro 30:19

ababalire abâla bantu bayishaga balongereza n’omurhima gwâbo goshi, Nyamuzinda wa b’îshe, ciru n’omu bucêse bukwânîne omu ka-Nyamuzinda.»

2 Nganîro 35:6

Murherekêre Basâka, mucîcêse, munamurheganyize bene winyu, lyo bashimba akanwa Nyamubâho aderhaga na Mûsa».

Ayubu 1:5

Byâbà ntyo! Erhi amango g’ensiku nkulu gàbâga gamâhwa, Ayubu anabarhumize mpu bayishe abayôbôle, na ngasi sêzi mucêra-cêra, anarherekêrera ngasi muguma muli bwo, bulya àkagicîzâna anaderha emurhima, erhi: «akanabà abâna bâni bàjizire ecâha, banalogorherera Nyamuzinda omu mirhima yâbo!» Ntyo kwo Ayubu àkâgijira ngasi mango.

Ennanga 19:5

Izù lyabyo lilumîre igulu lyoshi, n’enderho zâbo zihisire ngasi aha igulu lihekera. Eyo nyanya yo àyubakira izûba icumbi,

Lubungo 19:10

Nyamubâho anacibwîra Mûsa, erhi: «Genda emunda olubaga luli, oluyôbôle ene n’irhondo; luce, bashuke n’emyambalo yâbo,

Lubungo 19:15

anacibwîra olubaga, erhi: «Mucîrheganye mw’ezi nsiku isharhu, muleke okujà omu mwa bakînywe.»

Lubungo 19:22

Ciru n’abadâhwa bayegêra Nyakasane bacicêse, lyo Nyakasane arhag’ibamalîra!»

Yoweli 1:14

Mwe bagula, mubwîre abantu boshi, murhegeke bacîshalise, bajire olusiku lukulu omu ka-Nyamuzinda winyu. Muyakûze Nyamuzinda.

Mateyo 21:16

Banacimubwîra, mpu: «K’oyumvîrhe ebi abà badwîrhe baderha?» Yezu naye anacibashuza, erhi: «Nêci! Ci nkaba ntà mango muzig’isoma ezi nderho: Omu kanwa k’abâna barhò n’orhubonjo, mwo wakûzire obukuze?»

Mateyo 9:15

Yezu anacibashuza, erhi: «Ka abîra b’omuhya-mulume banalake, baciri n’omu­hya-mulume? Ensiku zacibabikira, hano omuhya-mulume abarhengamwo; muli ago mango bâcîshalise.

1 Bakorinti 7:5

Harhajiraga owalahirira owâbo; ci bombi banayumvanya, kuhika kasanzi kalebe, lyo mujira nsiku mwashenga. Okubundi mushub’ishubira haguma, Shetani alek’ibona igwârhiro ly’okummushumika erhi buzamba bwinyu burhuma.

Yozwe 7:13

“Yimuka! ogendicêsa olubaga, onalubwîre, erhi: Mweshi muciyumanyanye oku lusiku lw’irhondo; bulya kwo adesire ntya, Nyakasane, Nyamuzinda w’Israheli: Hali ebigalugalu ekarhî kâwe, wâni Israheli. Orhankahashihagaza embere z’abashombanyi bâwe, akabà orharhanzirirhenza ebyo bigalugalu biri ekarhî kâwe”.

Yozwe 8:35

Ntà kanwa ciru n’akaguma akali kayandisirwe na Mûsa, karhaderhagwa na Yozwè ago mango ali embere z’e­ mbugânano yoshi ya bene Israheli, abakazi, n’abâna, n’abandi b’embuga banali nabo boshi omwo lugendo.

1 Samweli 16:5

Samweli ashuza, erhi: «Nêci murhûla nyishire. Ndi rherekêra Nyamubâho. Mucîyôbôlage, munayîshe rhugendihêra rhweshi.» Ayôbôla Yese n’abagala anabalâlika mpu bayîshe ebwa nterekêro.