Yoweli 2:13 - BIBLIYA NTAGATIFU OMU MASHI

¹³ Arhali myambalo yinyu yo musharhulage, ci murhima gwinyu gwo mu­kwânîne okuhindula. Nêci, galuki emwa Nyakasane bulya ali mwonjo na mwinjà, analegame omu kukaliha, ci mubidu omu kuhâna obwonjo, arhanakwirirwa mabî.

Yoweli 2:13 ပူးပေါင်းရင်းမြစ်များ

Murhondêro 37:29

Rubeni, erhi ashubira ebwa iriba, abona oku Yozefu arhacirimwo. Abêra emyambalo yâge,

Murhondêro 37:34

Yakôbo anacibera omwambalo gwâge, akenyera sunzu ajà omu mishîbo y’omugala nsiku zirhali nyi.

2 Samweli 1:11

Daudi ayanka emyamhalo yâge ayisharhangula, n’abambali nabo kwo na kuguma.

1 Bâm 21:27

Erhi Ahabu ayumva ebinwa bya Eliya, asharhula emyambalo yâge, acîhundikira sunzu, acîshalisa, akalâla muli olya sunzu, anakagenda ayûbîza.

2 Bâm 22:11

Mwâmi erhi ayumva ebinwa by’omwôla citabu c'Amarhegeko, asharhula emyambalo yâge;

2 Bâm 22:19

Bulya omurhima gwâwe gwababire kuli abôla hantu n’oku bantu bahayûbaka nti babà cêrekane c’okuyôbohya na cijâci, kulya kubà washarhagwîre emyambalo yâwe, wanavugumula emirenge embere zâni, nâni nkuyumvîrhize bwenêne, Nyakasane okudesire.

2 Bâm 5:7

Erhi oyo mwâmi w’Israheli ayusisoma agôla maruba asharhula emyambalo yâge, anaciderha erhi: «Ka ndigi Nyamuzinda owankayîrha anacize, obûla antumire oyu muntu mpu mubuke olushomyo? Yumvi bwinjà, ka murhabwîni oku mbaka ezi oyu muntu alindonzakwo»?

2 Bâm 6:30

Erhi mwâmi ayumva ebinwa by’oyôla mukazi anacisharhula emyambalo yâge agôla mango ajaga agera oku côgo olubaga lwabona, lwabona ciru oku ali ayambîrhe na sunzu w’okucîbabaza.

2 Nganîro 6:27

wanayumvîrhiza kurhenga empingu, wanababalira ebyâha bya abarhumisi bâwe n’ebya olubaga lwâwe Israheli omu kubayigîriza enjira nyinjà bakazigeramwo, wananiesa enkuba oku idaho wahâga olubaga lwâwe nka kashambala.

Nehemiya 9:17

Balahira okuyumva, barhanacikengeraga birya birhangâzo byâwe, birya wajiraga oku bunguke bwâbo. Baniola ecikanyi c’igosi na muli obwo bugoma bwâbo bacîfinja okushubira e Mîsiri omu bujà bwâbo. Cikwône oli Nyamuzinda obabalira duba, Nyamuzinda mutûdu na wa bwonjo, mulembu omu kukunira na mugale omu minjà, na ntyo orhabalekereraga.

Ayubu 1:20

Okubundi, Ayubu àyimuka, asharhula emyambalo yâge, amômwa omukûngu acîrhimba oku idaho, anaciderha, erhi:

Ennanga 103:8

Nyamuzinda ye ntahimwa lukogo na bwonjo, arhakunira duba, anali buzigire.

Ennanga 106:45

Akengêra omulagi àbalaganyagya, ayumva omutula bulyâla olukogo lwâge lubà lunji.

Ennanga 34:18

Abashinganyanya bôhe bajà aho bayâkûza Nyakasane, naye abayumvirhiza anabakûla omu buhanya balimwo.

Ennanga 51:17

Onshwêkûle akanwa Nyakasane, olulimi lwâni lukâderha irenge lyâwe.

Ennanga 86:15

Cabâ wêhe, Nyamwagirwa, we Nyamuzinda w’obwonjo n’olukogo, we Nn’obwinjà bwoshi, orhalubiraho orhanarhebana.

Ennanga 86:5

Na bulya Yâgirwa we mwinjà, we n’olukogo lushundwakwo; onaluzize obwonjo oku ngasi boshi bakusengera.

Izaya 57:15

Nêci, kwo adesire ntyâla Ow’Enyanya emalunga, oyôrha abâho ensiku n’amango; izîno lyâge liri litagatîfu: «Nie mbà enyanya omu ndâro ntagatîfu; ci mbêra haguma n’omuntu ocîyunjuzize n’ow’omurhima mwirhôhye, lyo mpira obuzîne omu myûka y’abîrhôhye, lyo nnampira obuzîne omu mirhima y’abaciyunjuzize».

Izaya 58:5

Ka kwo kucîshalisa nnonza okwôla! Ka luligi lusiku omuntu ankaderha mpu acîshalisizemwo olwôla? Okulegerera okubire igosi nk’ishasha, okucîbwîka sunzu n’okucîshîga oluvù: ka okwôla kwo odesirage kucîshalisa, kulyâla kwankasimîsa Nyakasane?

Izaya 66:2

Ebyôla byoshi maboko gâni gabijiraga, biri byâni ebyôla byoshi, Nyakasane okudesire. Alaga oyu ndolakwo: omukenyi n’omunyinyi, ogeramwo omusisi omu kuyumva oluderho lwâni.

Yeremiya 36:7

“Ahâli nkaba bayêrekeza Nyakasane amingingo gâbo banagaluke barhenge ngasi muguma omu njira yâge ngalugalu, bulya oburhè n’omutula Nyakasane abahigire nago guli munji”».

Yeremiya 41:5

hâyisha abantu barhenga e Sikemi, e Silo n’e Samâriya, bali makumi gali munâni, erhi bamômirwe obwânwa, bayambîrhe n’emishangi esharhangusire, bànali bashâke-bashâke, bâli badwîrhe entûlo n’enshangi mpu bâbirhûla omu ka-Nyamuzinda.

Yeremiya 42:10

Mukalonza okudêkerera mw’eci cihugo, namuyûbaka ntakanacimushâba, mmurhwêre ntakanacimushugula, bulya nâni ncîganyize okubî namujirire.

Ezekiyeli 9:4

Anacimubwîra, erhi: «Ozunguluke olugo loshi, ozunguluke Yeruzalemu onajè wahira ecimanyîso c’omusalaba ngasi bantu badwîrhe balaka erhi ebîra bijiro bibî bijirwa mulilwo birhuma».

Hozeya 14:1

Samâriya àhanwa, bulya àjizire obwabiranyi kuli Nyamuzinda wâge. Bakumba omu ngôrho, orhubonjo rhwâbo rhwâhinagwa, bakâbo bali mazîmi bâbwagûka enda.

Yônà 3:9

Ndi omanyire erhi Nnâmahanga arhankashukira ashube okuboko, aleke obukunizi bwâge arhuyôkole?»

Yônà 4:2

Anaciyâkûza, erhi: «Ntarhenga omu iderhero, waliha! K’arhali birya naderhaga erhi nciri omu cihugo cîrhu ebi! Co cànarhumaga ncîlibirhira kuhika e Tarsisi, bulya nalinyôsire mmanyire oku we Nyamuzinda w’obwonjo n’ow’olukogo, orharukûza, we mugale mwimâna, Orhakwîrirwa bubî.

Mikeyo 7:18

Ndi wundi Nyamuzinda akâwe, obabalira amabî, ozaza ecâha, orhabika bukunizi ensiku n’amango ci okunda okufà bwonjo n’okubabalira?

Nahumu 1:3

Nyamubâho arhabà burhè duba, ci kwônene arhahimwa budârhi, Nyamuzinda arhankaleka okuhana endyâlya eyâzire. Analambagire omu mpûsi n’omu mulaba, n’omu cihonzi, ebitù, ko katulo enshando zâge zibalaza.

Mibalè 14:18

«Nyamubâho akêreza omu kukunira, abà na mugale omu bwinjà, anababalire amabî n’ecâha; ci arhankalola omuntu oli n’ecâha nka muntu mwêru kwêru, anahanire obubî bw’ababusi oku bâna bâbo, ciru n’oku bâna b’iburha lya kasharhu n’iburha lya kani.

Barom 2:4

Nkabaga kugayaguza ogayaguzize obuhirhi bw’obwinjà n’olukogo n’obutûdu bwâge? K’orhîshi oku obwo bwonjo bwa Nyamuzinda bukulalisire mpu ocîyunjuze?

Befezi 2:4

Ci Nyamuzinda ntahwa-lukogo, obuzigire bwâge bunji arhuzigiremwo burhumire,

1 Timoteyo 4:8

Bulya okushîbirira emisî y’omubiri kurhagwêrhi kamalo kanene; ci okukombêra oburhumisi bwa Nnâmahanga kukwânana muli byoshi, bulyâla kwalaganyizibwe obuzîne bwa bunôla n’obwaciyisha.