Yoweli 2:11 - BIBLIYA NTAGATIFU OMU MASHI

¹¹ Izù lya Nnâmahanga lyâyumvikane, ashokolire engabo zâge, bulya abamulwira bali banji, bulya ajira obuhashe bunji n’oku adesire kwo kunabà; luli lukulu olusiku lwa Nyamuzinda, lwa kuyôbohya, na ndi wankamuja emalanga?

Yoweli 2:11 ပူးပေါင်းရင်းမြစ်များ

Ennanga 18:14

Obwo Nyamuzinda anacilaza emalunga, n’izù ly’Ow’enyanya lyàyumvikana

Ennanga 46:6

Nnâmahanga ali omu karhî k’olugo lwâge, lurhâhuligane, Nnâmahanga yêne aluhalira kurhenga sêzi lukula arhanda.

Ennanga 68:18

Engâlè za Nyamuzinda bihumbi n’ebihumbi, Nyakasane amâbunguluka oku Siyoni, amâj’omw’idubiro lyâge.

Izaya 13:4

Muyumve ecihôgêro cinene oku ntondo: ciri nka ca lubaga mwandu! Muyumve ecihôgêro c’amâmi n’amashanja gashûbûzinye: Nyakasane Nyamuzinda w’Emirhwe oyo waj’agera ekarhî k’ebigâmba by’abalwî bâge.

Izaya 42:13

Nyakasane akomekîre nka ntwâli, ayish’arûkûza nka mulwî wa ntambala, ayish’abanda akahababo k’okukoza ebîrhà, ababisha bâge abakolera akal’ibala.

Izaya 7:18

Olwo lusiku Nyakasane ayâkûza ensûsi ziri ebuzinda bw’enyîshi z’e Mîsiri n’enjuci ziri omu cihugo c’e Asîriya.

Yeremiya 25:30

“Nâwe obabwîre ebi binwa byoshi oderhe erhi: Nyakasane amâyâmira emalunga, amâlengeza izù kurhenga ahatagatîfu hâge. Abandira olwâbuko lw’ebintu byâge akahababo, amabanda akahababo aka abakandira omu mukenzi, amakabandira ab’eno igulu boshi”.

Yeremiya 30:7

“Obuhanya! Lwanabà lusiku ludârhi! Ntà lundi luli nk’olu! Mango ga malibuko kuli Yakôbo cikwône agafulumukamwo mutaraga”.

Yeremiya 50:34

“Niono, Mufungizi wâbo, ndi muzibu, nie Nyakasane w’Emirhwe. Nafumbarha niene olubanja lwâbo, lyo ndêrha omurhûla omu igulu, n’akashâbo omu bantu b’e Babiloni”».

Ezekiyeli 22:14

Ka omurhima gwâwe gwasimika, k’amaboko gâwe gayôrha mazibu omu lusiku nacîhôla kuli we? Niono nie Nyamubâho nkudesire, nânakujira.

Yoweli 1:15

Loli oku olusiku lwa Nnâmahanga luyîruka, luyishire nka cizombo, nka câhirà carhenga emwa Nyamuzinda-Ogala-byoshi.

Yoweli 1:6

Bulya ababisha barhêzire ecihugo câni, bali banji na ntwâli; amîno gâbo nka ga ntale; orhubwâjigo rhwâbo nka rhwa nnina w’entale.

Yoweli 2:1

Mubûhe emishekera omu Siyoni, mubande orhuhabâbo oku ntondo ntà­gatifu. Mugeremwo omusisi mwe bantu mweshi, bulya olwa-Nnâmahanga lwayishire, bulya luli hôfi.

Yoweli 2:2

Lusiku lwa mwizimya n’olwikungu, lusiku luyunjwîre bitù n’omwizizi. Nka kula lukula arhanda emashinji, ntyo kwo engabo y’abantu yâpamuka erhasâg’ibonekana bundi, erhakanacibonekana ciru n’eliguma.

Yoweli 2:25

«Nammurhengize galya mango g’enzige n’amahanzi n’ebizindêre, zirya ngabo zâni nali mmurhumîre nti zimmuyônere emyâka yinyu.

Amosi 1:2

Anaciderha, erhi: «Nyamuzinda amakungulira e Siyoni, amâyumvîsa izîno lyâge kurhenga e Yeruzalemu, obulambo bw’abangere bukola omu mishîbo, obusongerwe bwa Karmeli bwamâyûma».

Amosi 5:18

Buhanya bwâbo abadwîrhe bacîfinja olusiku lwa Nyamuzinda: Lwâbà luci kuli mwe olusiku lwa Nyamuzinda? Gwâbà mwizimya, ci arhali mwîkala.

Amosi 5:20

K’olusiku lwa Nyakasane gurhabè mwizimya ci arhali mwîkala? Gwâbà mwizimya ziriri.

Abudiya 1:15

Bulya olusiku Nyakasane abâna amashanja luli hôfi; oku wajizire kwo nâwe wâjirirwe: ebijiro byâwe byâkugalukira! Orharhôlaga obuhirhi bwâbo amango bali omu malibuko.

Nahumu 1:6

Obukali bwâge wâni! Ndi wankabulindira? Ndi wankafukunya amango adârhabîre? Obudârhi bwâge kwo buyâka nka muliro, n’amabuye ganashanguke embere zâge.

Malakiya 3:2

Ndi wakalembera olusiku lw’okuyisha kwâge, erhi nîsi ayimange olusiku âcîyâlagaza? Ayishiba nka muliro gwa mutuzi, nka nsabuni eyeruhya emyambalo.

Mibalè 24:23

Balâmu ashubirira aderha ebi binwa, erhi: Aye, amashanja g’emashinji gabugânana emwênè,

1 Batesalonika 4:16

Bulya, oku cimanyîso, oku izù lya Malahika mukulu n’oku mushekera gwa Nyamuzinda, Nyakasane yêne anayandagale, kurhenga empingu, n’abafîre muli Kristu bo bâfûke barhanzi.

Mafulûlo 18:8

Okwôla kwo kwarhuma amabala gamurhogera omu lusiku luguma: «ecâhirà n’emishîbo n’ecizombo; anabôyôke n’omuliro, bulya Nyakasane Nyamuzinda wamutwîraga olubanja erhali ngonyi».

Mafulûlo 6:17

Bulya olusiku lukulu lw’obukunizi lwayishire; ndi wankacihash’iyimanga wâni?»