Yoweli 1:4 - BIBLIYA NTAGATIFU OMU MASHI

⁴ Ngasi ehi akashôlero kàsizize omu myâka, hyâlìbwa n’enzige; ehi enzige zisizize hyâlibwa n’ebizindêre; ehi ebizindêre bisizize, hyâlìbwa n’amahanzi.

Yoweli 1:4 ပူးပေါင်းရင်းမြစ်များ

1 Bâm 8:37

Erhi ecizombo cankanayisha omu cihugo, kandi erhi cihûsi kandi erhi kashûshu nîsi erhi cikabà cingalangala, akabà kurhêrwa n’enzige, kandi erhi omushombanyi ankabagorha nîsi erhi bubè bundi buhanya n’endwâla,

2 Nganîro 6:28

Amango ecizombo cânazûke omu cihugo, amango ecahira canaje omu cihugo, erhi hankayîsha akagisho, akagizi, enzige n’akasholero; amango abà shomhanyi banarhêre olubaga omu cihugo, omu mihango yâbo, erhi bankajakwo obundi buhanya nîsi erhi ndwâla ndebe, erhi omuntu lebè

2 Nganîro 7:13

“Mango nânahamike empingu n’enkuba ebula bunia, mango nanarhegeke enzige mpu ziyîshe zikanjekanje ecihugo, nîsi erhi amango nânarhume ecihûsi omu lubaga lwâni”,

Ennanga 105:34

Alîka akanwa, enzige zàgwa, amahanzi gôhe garhânkaganjirwe.

Ennanga 78:46

Oku àlikiraga amahanzi omu myâka yâbo, n’emburho yâbo ayirhega enzige.

Lubungo 10:4

“Okalahira mpu orhalika olubaga lwâni lugende, irhondo lyonêne narhuma enzige omu cihugo câwe”.

Lubungo 10:5

“Zabwika ecihugo coshi ciru cirhâcibonekaga. Zâlya ngasi hyoshi hyàrhulubusire, ngasi ebi olubula lwakulekire, zâlya emirhi emera omu mashwa gâwe yoshi”.

Izaya 33:4

Ebi wanyagaga kwo babiguka nka kula baguka amahanzi; kwo bacîhunika kuli byo nka hitù hya nzige.

Yeremiya 51:14

Nyakasane w’Emirhwe acîgashire ecihango câge erhi: «Mbo fa ecihango câni nie Nyamuzinda, ntakurhulîrikwo abantu mwandu bali nka citù ca nzige, bâkubandirakwo olwôho lw’ebîrha.»

Yeremiya 51:27

Mumanike ibendêra omu igulu lyoshi, mubûhe omushekera omu mashanja. Mushûbûlize abantu boshi kuli Babiloni, muhamagale amâmi g’e Ararati, ag’e Mini n’ag’e Ashekenazi; mumurhumizekwo abasirika, mushumûle biterusi binji nka hitù hya nzige.

Yoweli 2:25

«Nammurhengize galya mango g’enzige n’amahanzi n’ebizindêre, zirya ngabo zâni nali mmurhumîre nti zimmuyônere emyâka yinyu.

Amosi 4:9

«Nammuhizirekwo empûsi n’idûrhu nti bimmuyôce, nayûmya n’amashwa n’enkoma zinyu, enzige zàmulya emburho n’emirhi; murhanagalukaga emunda ndi», kwo Nyakasane adesire ntyo.

Amosi 7:1

Lolagi ebi Nyakasane Nyamuzinda ànyeresire: Càli cirundo ca nzige, gala mango emishabuka emera, nzige nkulu, gala mango bamâyusitwa ebya mwâmi.

Malakiya 3:11

Nâhanza o­rhushôlero rhurhasherêzagya emyâka yinyu, n’enkoma zinyu ziyâne okurhalusire.

Lushika 28:38

Warhwêra mburho nyinji omu ishwa, ci kwône binyi wasârûla, bulya enzige zakulyabyo.

Lushika 28:42

Ngasi murhi na ngasi irehe ly’omu kwâwe lwâbà lwîko lwa kashôlero.