Yowane 9:30 - BIBLIYA NTAGATIFU OMU MASHI

³⁰ Olya mulume abashuza, erhi: «Lêro namasômerwa! Murhishi ali wa ngahi omuntu onfumize obuhûrha!

Yowane 9:30 ပူးပေါင်းရင်းမြစ်များ

Ennanga 119:18

Ozibûle amasù gâni, mbonemwo obwinjà bw’irhegeko lyâwe.

Izaya 29:14

“nkolaga nashub’ikasomeza olu lubaga n’ebirhangâzo byâni, na ntyo butulutumbe oburhimanya bw’abarhimanya, bunahirigirhe obukengêre bw’ab’obukengêre bunji”».

Izaya 29:18

Mw’olwôla lusiku, ebihuli byayumva ebinwa biri omu citabu, n’amasù g’emihûrha, hano gabà gâmârhenga omu lubwîbwî n’omu mwizimya, gâbona.

Izaya 35:5

Obwo amasù g’emihûrha gahurhûka, n’amarhwîri g’ebihuli gâzibûke.

Mateyo 11:5

Emihûrha edwîrhe yabona, abahozire amagulu badwîrhe bagenda, abashomyo badwîrhe bafuma, n’ebihuli bidwîrhe byayumva, abafîre badwîrhe bafûka n’abakenyi badwîrhe babwîrwa Emyanzi y’Akalembe.

Mateyo 21:42

Yezu anacibabwîra, erhi: «Ka murhasâg’isoma ntya omu Mandiko»: ibuye abûbasi bagayaguzagya, lyayishir’ibà kaboko ka nyumpa; Nyakasane yêne wakolaga ebyo, byanabà bisômerîne omu masù gîrhu!

Marko 6:6

Okubula obuyêmêre kwâbo kwamusômera. Anacij’ageragera omu bishagala by’eburhambi, aj’ayigîriza.

Luka 7:22

Okubu­ndi anacibashuza, ababwîra, erhi: «Mugend’ibwîra Yowane ebi mwabwîne n’ebi mwayumvîrhe: emihûrha edwîrhe yabona, abahozire amagulu badwîrhe bafuma, abashomyo badwîrhe bafuma, ebihuli bidwîrhe byayumva, abafu badwîrhe bafûka, abakenyi badwîrhe babwîrwa Emyanzi y’Akalembe.

Yowane 12:37

Ali ajizire bisômerîne binji omu masù gâbo, barhanamuyêmêraga,

Yowane 3:10

Yezu amushuza, erhi: «Kàli oli muyigîriza omu Israheli, wanagal’ihaba ebyo?

Yowane 9:29

Rhwêhe rhuyishi oku Mûsa ye Nnâmahanga abwîzire ebinwa byâge; ci oyo rhurhishi ali wa ngahi?»

Yowane 9:31

Rhuyishi oku Nyamuzinda arhayumvîrhiza banya­-byâha, ci omuntu omurhumikira n’ojira oku alonza ye ayumvîrhiza.

2 Bakorinti 4:6

Bulya Nyamuzinda waderhaga mpu omu omwizimya murhenge obumoleke, yêne ye wanamolekeraga omu mirhima yîrhu, mpu obulangashane bw’irenge lya Nyamuzinda liri ebusù bwa Kristu bumanyibwe.