Yowane 8:47 - BIBLIYA NTAGATIFU OMU MASHI

⁴⁷ Oli wa Nnâmahanga ayumva ebinwa bya Nnâmahanga; akabà murhabiyumva, kwo kuderha oku murhali ba Nnâmahanga».

Yowane 8:47 ပူးပေါင်းရင်းမြစ်များ

Daniyeli 12:10

“Banji bâyishicêsibwa, bâyeruhe, bânarhangulwe, nabo abagalugalu banakaziyôrha bajira amagalu­galu gâbo, na ntà mugalu-galu wâyumva okwôla, ci abashinganyanya boki bâyumva”.

Yowane 12:48

Ongayaguza n’okurhayumva ebinwa byâni agwêrhe owamutwîra olubanja: ebinwa nadesire byo byâmutwîre olubanja olusiku luzinda.

Yowane 18:37

Naye Bilato, erhi: «Kuziga oli mwâmi?» Yezu amushuza, erhi: «Wakudesire! ndi mwâmi. Naburhagwa nanajà en’igulu nti mpamîrize okuli. Ngasi muntu osîma okuli, ayumvîrhiza izù lyâni».

Yowane 5:25

“Nêci mmubwîzire: amango gayishire -ganakola go gano- abafîre bâyumve izù lya Mwene Nyamuzinda, n’abaliyumve banalame”.

Yowane 6:65

Anacishub’ibà­bwîra, erhi: «Co carhumire mmubwîra nti ntâye wankajà emunda ndi nka arhakushobwîri na Larha».

Yowane 8:37

Nêci, mmanyire oku muli iburha ly’Abrahamu; kurharhuma murhalonza okunyîrha, bulya ecinwa câni cirhammujà emurhima.

Yowane 8:43

Cici cirhuma murhayumva enderho zâni? Bulya murhankahash’iyumva ebinwa byâni.

Yowane 8:45

Niehe murhanyêmêra, bulya nderha okunali.

1 Yowane 3:10

Eci abâna ba Nyamuzinda n’abâna ba shetani bamanyirwakwo c’eci: ngasi yêshi orhajira obushinganyanya arhabà wa Nyamuzinda, n’orhazigira mwene wâbo kwo na kuguma.

1 Yowane 5:1

Ngasi yêshi oyêmîre oku Yezu ye Kristu, oyo abusirwe na Nyamuzinda; na ngasi yêshi ozigira omubusi, azigira n’omwâna aburha.

2 Yowane 1:9

Ngasi yêshi orhananîra oku nyigîrizo za Kristu, akazirhalusa, oyo erhi arhali na Nyamuzinda. Osêra kuli ezo nyigîrizo, oyôla yeri na Nyamuzinda Îshe n’Omugala.

3 Yowane 1:11

Mwîra wâni, orhashimbaga olwiganyo lubî, ci oshimbe o­lwîganyo lwinjà. Ojira aminjà ali wa Nyamuzinda; naye ojira amabî erhi a­rhabonaga Nyamuzinda.