Yowane 7:17 - BIBLIYA NTAGATIFU OMU MASHI

¹⁷ Owalonz’ijira obulonza bwâge, acîbonera erhi ezi nyigîrizo ziri za Nnâmahanga, nîsi erhi niene ncirhumire.

Yowane 7:17 ပူးပေါင်းရင်းမြစ်များ

Ennanga 119:10

W’ono ndwîrhe nalongereza n’omurhima gwoshi, orhazigaga nahabuka ntiba akanwa kâwe.

Ennanga 25:12

Ndi olyâla orhînya Nyakasane? Yêne àmubwîriza njira ehi acîshoga.

Ennanga 25:14

Nyakasane abamurhînya abajîsa mahwe, bo anayêreka ebi àli abalaganyize.

Migani 28:5

Enkola-maligo zirhumva hishingânîne, abalonza Nyakasane bôhe byoshi bayumva.

Migani 3:32

Bulyâla abahalanjisi Nyakasane arhababâkwo, abantu nkana bwo arhonya.

Izaya 35:8

Hâyîsh’ibà omulimbwa gwakûz’iderhwa njira ntagatîfu. Abarhacîri barhakayigeramwo, bulya Nyakasane yêne wayîsh’iyîgula eyo njira, n’orhudundaguzi rhurhakaderha mpu rhwâhabukiramwo.

Daniyeli 12:10

“Banji bâyishicêsibwa, bâyeruhe, bânarhangulwe, nabo abagalugalu banakaziyôrha bajira amagalu­galu gâbo, na ntà mugalu-galu wâyumva okwôla, ci abashinganyanya boki bâyumva”.

Hozeya 6:3

Rhumanyîrire Nyamuzinda, rhumulongereze, okuli rhwâmubona, âyisha emwîrhu nka lumè, nka kula enkuba mpangûka ebombêza idaho.

Mikeyo 4:2

igulu lyoshi lyayishilibirhirayo linaderhe mpu: «Yishi rhuyinamukire oku ntondo ya Nyakasane, yishi rhujè omu ka-Nyamuzinda ka Yakôbo. A­rhuyigîrize enjira zâge, lyo nîrhu rhuyishimba. Bulya e Siyoni yo erhenga irhegeko, n’e Yeruzalemu erhenge akanwa ka Nyakasane»!

Malakiya 4:2

Ci kuli mwe, murhînya izîno lyâni, izûba ly’obushinganyanya lyâbasha, limmulerhere obucire. Mwâyishijà mwâhama n’omwîshingo nka manina ga mitwirà.

Mateyo 6:22

Akamole k’omubiri gwâwe, lyo isù lyâwe. Isù lyâwe likabà liri ligumaguma, omubiri gwâwe gwanabà omu bulangashane.

Luka 8:15

“Nazo ezarhogeraga, omu budaka bwinjà, bo balya bayumvîrhe Oluderho n’omurhima nkana na mwinjà, balushîbirira, banayerakwo amalehe omu bushibirizi bwâbo”».

Yowane 3:21

“Ojira okushingânîne yêhe, anajè ahalangala, lyo babona oku ebijiro byâge Nyamuzinda abijirira”».

Yowane 8:43

Cici cirhuma murhayumva enderho zâni? Bulya murhankahash’iyumva ebinwa byâni.

Yowane 8:44

Sho ye shetani, na nyîfinjo za sho mulonza okujira. Kurhenga omurhondêro erhi ali mwîsi wa bantu; arhali wa kuderha okuli, bulya okuli kurhamubamwo. Nk’aderha eby’obunywesi, omu murhima gwâge abikûla, bulya ali munywesi ye n’îshe w’obunywesi.

Yowane 8:47

Oli wa Nnâmahanga ayumva ebinwa bya Nnâmahanga; akabà murhabiyumva, kwo kuderha oku murhali ba Nnâmahanga».

Ebijiro 17:11

Ci kwônene, abôla bôhe bâli ba murhima mwinjà kulusha ab’e Tesalonika. Bayankirira Oluderho lwa Nnâmahanga buzira kurhindira. Ngasi lusiku bakâg’ilongereza omu mandiko mpu babone erhi kwo binali ntyo.