Yowane 7:15 - BIBLIYA NTAGATIFU OMU MASHI

¹⁵ Abayahudi basômerwa, bakaderha, mpu: «Kurhi amanyire amaruba arhanajaga omu masomo?»

Yowane 7:15 ပူးပေါင်းရင်းမြစ်များ

Izaya 29:12

Lêro banalushumbîriza omuntu orhish’isoma, bamubwîre, mpu: «Somaga»; ci anashuza, erhi: «Ntish’isoma».

Mateyo 13:54

N’erhi ahika omu cishagala câge, arhondêra ayigîriza abantu omu sinagogi yâbo, kuhika basômerwa, banakaz’iderha, mpu: «Ngahi akûzire obwenge n’obuhashe butya?

Mateyo 22:22

Erhi bayumva ntyo, basômerwa, bamuleka, bagenda.

Mateyo 22:33

Erhi orhutu rhw’abantu rhuyumva okwo, rhwasômerwa n’enyigîrizo zâge.

Luka 2:47

Ngasi bamuyumvirhizagya, basômerwa n’obumanye n’amashuzo gâge.

Luka 4:22

Boshi bali bamubêrîre càli-ho, banacirhangâla n’enderho nyinjà zarhengaga omu kanwa kâge, mpu: «K’arhali mwene-Yozefu oyu?»

Yowane 1:19

Alaga obuhamîrizi bwa Yowane, erhi Abayahudi bamurhumira abadâhwa na bene-Levi kurhenga e Yeruzalemu mpu bagend’imudôsa, mpu: «We ndi?»

Yowane 7:11

Erhi olusiku lukulu lubà, Abayahudi bakamulonza banaderha, mpu: «Ngahi ali?»

Yowane 7:13

Ci ntâye wakâg’imuderha n’obwâlagale erhi kuyôboha Abayahudi kurhumire.

Yowane 7:46

Abaganda bashuza, mpu: «Ntà muntu okol’oshambîre aka oyu muntu!»

Ebijiro 26:24

Erhi adwîrhe abûlana ntyo, Festo aderha n’izù linene, erhi: «Paolo, osirahire! Ebinji wasomire byakulêrhîre isirhe».

Ebijiro 4:13

Erhi babo­na Petro na Yowane barhahûnyiri, n’erhi bamanya oku bali bantu kwône barhajira masomo, abagula b’ihano barhangâla. Barhànali bahabire oku bâli baganda ba Yezu.

1 Samweli 10:11

Ngasi bamuyishigi agandi mango, injo na lishinjo, erhi babona adwîrhe alêba haguma n’abandi balêbi, boshi badôsanya mpu: «Bici byayishire muli mwene Kisi? Kusiga Saulu naye akola ali omu balêbi?»